હવે સરકાર દ્વારા જાહેર કરાયેલા નવા 17 તાલુકાઓમાં કાંકરેજ અને ધાનેરાનો સમાવેશ યથાવત બનાસકાંઠા જિલ્લામાં જ રાખવામાં આવ્યો છે, જેને પગલે બંને તાલુકાના રહેવાસીઓમાં સંતોષ અને ખુશી છવાઈ છે.

પ્રવક્તા મંત્રી ઋષિકેશ પટેલે જણાવ્યું કે વાવ, થરાદ, સુઈગામ, ભાભર, દિયોદર અને લાખણી તાલુકાઓને સામેલ કરીને થરાદને જિલ્લા મુખ્ય મથક સાથે નવા વાવ-થરાદ જિલ્લાની રચનાને કેબિનેટે મંજૂરી આપી છે.

નવસર્જિત ઓગડ અને હડાદ તાલુકાઓ બનાસકાંઠામાં જ રહેશે, જ્યારે દિયોદર, લાખણી, ધરણીધર અને રાહ તાલુકાઓ નવા વાવ-થરાદ જિલ્લામાં સામેલ થશે.

વિભાગના નિર્ણય બાદ ધાનેરા અને કાંકરેજના લોકોને થરાદ જિલ્લામાં સામેલ કરવાના વિરોધમાં ભારે આક્રોશ હતો. સ્થાનિક લોકો, પૂર્વ ધારાસભ્યો અને વર્તમાન ધારાસભ્યોએ પણ આંદોલન ચલાવીને ધાનેરા અને કાંકરેજને બનાસકાંઠામાં જ રાખવાની માંગ કરી હતી.

સરકારના તાજેતરના નિર્ણયથી લોકોએ રાહતનો શ્વાસ લીધો છે અને આ નિર્ણયનું સ્વાગત કર્યું છે.

The post બનાસકાંઠામાં જ રહેશે કાંકરેજ અને ધાનેરા, સરકારના નિર્ણયથી લોકોએ વ્યક્ત કરી ખુશી appeared first on Gujarat Inside - Latest News Today.

મુખ્યમંત્રી ભૂપેન્દ્ર પટેલની અધ્યક્ષતામાં બુધવારે યોજાયેલી કેબિનેટ બેઠકમાં આ નિર્ણય મંજૂર કરવામાં આવ્યો હતો. રાજ્યના પ્રવક્તા મંત્રી ઋષિકેશ પટેલે જણાવ્યું કે આ પગલાંથી વહીવટમાં પેદા થયેલી બિનઝરૂરી તકલીફ દૂર થશે અને પ્રજાને નજીકના તાલુકા મથકોથી ઝડપી સેવાઓ મળશે.

મહત્વપૂર્ણ નિર્ણય હેઠળ વાવ-થરાદ જિલ્લાની રચના પણ મંજુર કરવામાં આવી છે, જેમાં વાવ, થરાદ, સુઈગામ, ભાભર, દિયોદર અને લાખણી છ છઠ્ઠા તાલુકા તરીકે સામેલ થશે અને જિલ્લાનો મુખ્ય મથક થરાદ રહેશે.

નવા 17 તાલુકાઓ રાજ્યની સૌથી મોટી વિસ્તરણની સાબિતી છે, જે 2013માં બનાવાયેલા 23 નવા તાલુકાઓ બાદ પ્રથમ વખત થઈ રહ્યું છે. નવા તાલુકાઓને મુખ્યમંત્રી ગ્રામોત્થાન યોજના હેઠળ ગ્રાન્ટ અને વિકાસના લાભો મળવાના રહેશે, જે તેમને શહેરી ધોરણના વિકાસ માટે મજબૂત બનાવશે.

નવા તાલુકાઓ દ્વારા વહીવટ સરળ બનશે, ખાસ કરીને ગ્રામ્ય વિસ્તારોમાં રહેતા નાગરિકો માટે. હવે તેઓ સાવલતાથી સરકારી કામગીરી, જમીન રેકોર્ડ અને પ્રમાણપત્રોની કામગીરી નજીકના મથકથી પૂરી કરી શકશે, જે સમય અને ખર્ચ બંને બચાવશે.

રાજકીય વિશ્લેષકો સૂચવે છે કે ચૂંટણી પૂર્વે આ નિર્ણય સાથે સરકારને સ્થાનિક સ્તરે પોતાની જોડાણ મજબૂત કરવાની તક મળશે.

આ નવા તાલુકાઓમાં સેવા સુવિધા, શૈક્ષણિક, આરોગ્ય, અને આર્થિક લાભ સાથે સ્થાનિક વિકાસને વધુ અસરકારક બનાવવાનો ઉદ્દેશ છે.

આ નવા તાલુકાઓની રચનાથી રાજ્યમાં 269 તાલુકા થયા છે અને વહીવટની સુગમતા, વિકાસના ગ્રાન્ટ અને લોકો સુધી સુવિધાઓ પહોંચાડવાના મુદ્દે મહત્વપૂર્ણ પગલાં તરીકે આ નિર્ણય લેવાયો છે.

The post ગુજરાત સરકારે લોકસ્વરાજ્ય ચૂંટણી પૂર્વે 17 નવા તાલુકાઓની રચનાને મંજૂરી આપી appeared first on Gujarat Inside - Latest News Today.

આઝમ ખાન વિરુદ્ધ દાખલ 72 કેસોમાં જામીન મળ્યા બાદ તેમના સમર્થકોમાં આનંદની લાગણી જોવા મળી હતી. મુક્તિ પછી સીતાપુર જેલની બહાર તેમના સમર્થકોની ભારે ભીડ એકઠી થઈ હતી. સપા સાંસદ રુચિ વીરા તેમને આવકારવા જેલ બહાર પહોંચી હતી, પરંતુ પોલીસે સુરક્ષા કારણોસર તેમને રોકી દીધી હતી.

આઝમ ખાન પર ડુંગરપુર કેસમાં 10 વર્ષની સજા ફટકારવામાં આવી હતી, પરંતુ અલ્હાબાદ હાઈકોર્ટ દ્વારા તેમને જામીન મળ્યા હતા.

તેમણે હાઈકોર્ટના આદેશ અનુસાર 19 કેસોમાં MP-MLA સેશન્સ કોર્ટમાં જામીન અરજી દાખલ કરી હતી. કોર્ટના આદેશ મુજબ પોલીસ અને મહેસૂલ તંત્રએ રિપોર્ટ રજૂ કર્યા બાદ તેમની જામીન અરજીઓ મંજૂર કરવામાં આવી હતી.

સોમવારે સાંજે લૂંટ, છેતરપિંડી અને અન્ય 19 કેસોમાં રિલીઝ વોરંટ જાહેર થતા તમામ 72 કેસોમાં તેમને મુક્તિ મળી. ખાસ નોંધનીય છે કે આઝમ ખાનનું નામ લાંબા સમયથી કુખ્યાત “ક્વોલિટી બાર કેસ”માં મુખ્ય આરોપી તરીકે હતું.

આરોપ મુજબ 2013માં મંત્રી તરીકે તેમણે સિવિલ લાઇન્સ વિસ્તારની ક્વોલિટી બારની જમીન ગેરકાયદેસર રીતે પોતાની પત્ની તન્ઝીન ફાતિમા અને પુત્ર અબ્દુલ્લા આઝમના નામે ટ્રાન્સફર કરી હતી.

આ કેસમાં 2019માં માલિક ગગન અરોરાની ફરિયાદના આધારે FIR નોંધાઈ હતી અને આખા પરિવારને આરોપી બનાવવામાં આવ્યો હતો.

મે 2025માં MP-MLA કોર્ટે આઝમ ખાનની જામીન અરજી ફગાવી દીધી હતી, પરંતુ સપ્ટેમ્બર 2025માં અલ્હાબાદ હાઈકોર્ટ દ્વારા તેમને રાહત મળતા તેઓ અંતે સીતાપુર જેલમાંથી મુક્ત થયા હતા.

The post 23 મહિના બાદ સીતાપુર જેલમાંથી મુક્ત થયા SP નેતા આઝમ ખાન, 72 કેસોમાં મળી જામીન appeared first on Gujarat Inside - Latest News Today.

બેઠકમાં પાર્ટી જોગવાઈ અને આંતરિક જૂથવાદને કાબૂમાં રાખવા ઉપરાંત આવનારી મ્યુનિસિપલ કોર્પોરેશનની ચૂંટણીને લગતા મુદ્દાઓ પર ચર્ચા કરવામાં આવી.

તાત્કાલિક પૃષ્ઠભૂમિ મુજબ, પુનિતનગર વિસ્તારમાં ભાજપના નેતા લીલુબેન જાદવ ભાવુક બન્યાં હતા, કારણ કે તેમના કહેવા મુજબ તેમના પ્રતિ છબી ખરડવાનો પ્રયાસ કરવામાં આવ્યો હતો અને તેમને બદનામ કરવાની ઘટનાઓ થઈ રહી હતી. લીલુબેન જાદવે મીનાબેન આચાર્ય સાથે મળીને મંત્રીએને પત્ર લખ્યો હતો અને આ મુદ્દે સમય માંગ્યો હતો.

બેઠક દરમિયાન ભાજપના સાંસદ રામ મોકરિયા દ્વારા તાજેતરમાં સોશિયલ મીડિયામાં પોસ્ટ કરેલા નિવેદનને પણ ચર્ચામાં સામેલ કરવામાં આવ્યું હતું.

આ પોસ્ટ બાદ શહેરમાં જૂથવાદની ચર્ચા ગભરામણનું કારણ બની હતી. સૂત્રોનું કહેવું છે કે આ બેઠક પાર્ટીનું યુનિટી જાળવવા અને આગામી ચૂંટણી માટે તૈયારી કરવા માટે યોજાઈ હતી.

The post અમિત શાહે રાજકોટમાં ભાજપના આંતરિક જૂથવાદ મુદ્દે બેઠક યોજી, મહાનગર પાલિકા ચૂંટણીને લઇને ચર્ચા appeared first on Gujarat Inside - Latest News Today.

ભૂમિપૂજનની વિધિ દરમિયાન અમિત શાહે સી.આર. પાટીલને પોતાની નજીક બોલાવી પૂજામાં સામેલ કરવામાં આવ્યો. પાટીલે પ્રસંગને ઐતિહાસિક ગણાવી અને પોતાના શુભેચ્છાઓ વ્યક્ત કર્યા. ભૂમિપૂજન પછી મંત્રીએ મંદિરના આધ્યાત્મિક મહત્વ અને વિકાસ પર પ્રકાશ પાડ્યો.

સુરતમાં પહોંચતાં અમિત શાહે પાટીલના નિવાસસ્થાને રાત્રી ભોજન લીધો અને સુરત સર્કિટ હાઉસમાં રોકાણ કર્યું.

આ દરમિયાન તેમણે ઇસ્કોન મંદિરની સાથોસાથ રાજકોટમાં 7 સહકારી સંસ્થાઓની સાધારણ સભામાં પણ હાજરી આપી. સાથે સાથે, અમિત શાહે X પ્લેટફોર્મ પર ટ્વિટ કરીને GST સુધારા અંગેની જાહેરાત કરી.

તેમણે જણાવ્યું કે, નવું NEXT-Gen GST ફ્રેમવર્ક દેશભરના નાગરિકોને રાહત આપશે, જેમાં 390થી વધુ વસ્તુઓ પર કરમાં ઘટાડો થશે.

ખાદ્યસામાન, ઘરગથ્થુ, ઓટોમોબાઈલ્સ, કૃષિ, શિક્ષણ, આરોગ્ય અને હસ્તકલા જેવા વિવિધ ક્ષેત્રોમાં આ સુધારા નાગરિકોની બચત અને જીવનમાનમાં વધારો કરશે.

The post અમિત શાહની સુરત મુલાકાત: ઇસ્કોન મંદિરનું ભૂમિપૂજન, પાટીલના ઘરે રાત્રી ભોજન અને GST રાહત પર ટ્વિટ appeared first on Gujarat Inside - Latest News Today.

તેમણે જણાવ્યું કે, આજની પ્રક્રિયા પૂરી થયા પછી લગભગ સમગ્ર નિયામક મંડળ બિનહરિફ થવાનો સંકેત છે.

પેટલના જણાવ્યા અનુસાર, તેમણે ફોર્મ ભરતા કહ્યું કે બનાસ ડેરીની પ્રતિષ્ઠા, માન અને મરતબો જોતા તેમને વિશ્વાસ છે કે સમગ્ર મંડળ માટે કોઈ સ્પર્ધા ઊભી નહીં રહે.

તેમણે અગાઉ પણ સંકેત આપ્યા હતા કે ભાજપ દ્વારા આપવામાં આવેલા મેન્ડેટ સામે કોઈ વિપક્ષ ઉમેદવાર નહીં લડે, જેના કારણે બિનહરીફ થવાનો માહોલ સર્જાયો છે.

ઉમેદવારી પત્રોની ચકાસણી 23 સપ્ટેમ્બરે થશે, જ્યારે માન્ય ઉમેદવારી પત્રોની યાદી 24 સપ્ટેમ્બરે જાહેર થશે. ફોર્મ પરત ખેંચવાની છેલ્લી તારીખ 29 સપ્ટેમ્બર અને હરીફ ઉમેદવારોની આખરી યાદી 30 સપ્ટેમ્બરે જાહેર થશે. મતગણતરી 11 ઓક્ટોબરે યોજાશે.

આ વખતની ચૂંટણીને લઈને જિલ્લાભરમાં રાજકારણ ગરમાયું છે.

આજે ફોર્મ ભરવાના અંતિમ દિવસે મોટા પ્રમાણમાં ઉમેદવારો મેદાનમાં ઉતરવાની શક્યતા છે, જેના આધારે સ્પર્ધા બની કે બિનહરીફ રહે તે અંગે સ્પષ્ટ ચિત્ર સાંજ સુધી સામે આવશે.

The post બનાસ ડેરી ચૂંટણી: પૂર્વ સાંસદ પરબત પટેલે ડિરેક્ટર તરીકે ફોર્મ ભર્યું, નિયામક મંડળ બિનહરીફ થવાના સંકેત appeared first on Gujarat Inside - Latest News Today.

આરજેડી છોડ્યા બાદ તેજપ્રતાપ યાદવે મહુઆ મતવિસ્તારથી પોતાની ઉમેદવારી જાહેર કરીને પોતાના નવા રાજકીય માર્ગનો સંકેત આપ્યો છે. ઇન્ટરવ્યુ દરમિયાન તેજપ્રતાપ યાદવે સ્પષ્ટ રીતે જણાવ્યું કે, “હું ગીતા અને ભગવાન કૃષ્ણના શપથ લઉં છું કે હું ક્યારેય આરજેડીમાં પાછો નહીં ફરું.”

તેમણે વધુમાં ઉમેર્યું કે ગમે તેટલા આમંત્રણો મળે, તેઓ આરજેડીમાં પરત નહીં જાય અને પોતાનો રાજકીય માર્ગ અલગ રીતે બનાવશે.

પોતાના પરિવાર પ્રત્યેનો પ્રેમ અને આદર વ્યક્ત કરતાં તેજપ્રતાપે કહ્યું કે, “અમારા માતા-પિતા અમારા દેવતા જેવા છે અને અમે તેમનો આદર કરીએ છીએ, પરંતુ રાજકારણ અને પરિવાર અલગ બાબતો છે.”

મહુઆમાંથી ઉમેદવારી જાહેર કરીને તેજપ્રતાપે સ્પષ્ટ કર્યું કે તેઓ પોતાની રાજકીય કારકિર્દી સ્વતંત્ર રીતે આગળ ધપાવશે. તેમણે બહેનોને પણ ખુલ્લું આમંત્રણ આપ્યું કે જો તેઓ ઇચ્છે તો તેમની પાર્ટીમાં જોડાઈ શકે છે અને તેમને ટિકિટ પણ મળશે.

રાજકીય વિશ્લેષકો માને છે કે તેજપ્રતાપનો આ નિર્ણય બિહારના રાજકીય પરિદૃશ્યને વધુ રસપ્રદ બનાવશે, કારણ કે તેઓ હવે આરજેડી વિના પોતાની અલગ રાજકીય ઓળખ સ્થાપિત કરવાનો પ્રયાસ કરી રહ્યા છે.

The post તેજપ્રતાપ યાદવનો ગીતા અને ભગવાન કૃષ્ણના શપથ સાથે આરજેડીમાં પરત ન ફરવાનો સંકલ્પ, મહુઆમાંથી ઉમેદવારી જાહેર appeared first on Gujarat Inside - Latest News Today.

ઈડી દ્વારા આ ચાર્જશીટ 28 માર્ચ 2025ના રોજ દાખલ કરવામાં આવી હતી, જેમાં ખુલાસો કરવામાં આવ્યો છે કે પૂર્વ રેલ મંત્રી લાલુ પ્રસાદ યાદવ અને તેમના પરિવારજનોએ છ નવી જમીનો લાંચ તરીકે લીધી હતી.

આ જમીનો મુખ્યત્વે બિહારના ગોપાલગંજ અને અન્ય વિસ્તારોમાં આવેલી હતી અને તે લાલુ યાદવના પુત્રો તેજપ્રતાપ યાદવ અને તેજસ્વી યાદવના નામે ટ્રાન્સફર કરવામાં આવી હતી. આરોપ છે કે આ બદલામાં જમીનદારો અથવા તેમના સગાસંબંધીઓને ભારતીય રેલ્વેમાં નોકરી આપવામાં આવી હતી.

આ કેસની શરૂઆત સીબીઆઈની એફઆઈઆરથી થઈ હતી. સીબીઆઈએ આક્ષેપ કર્યો હતો કે 2004 થી 2009 દરમિયાન રેલ મંત્રી તરીકેના કાર્યકાળ દરમિયાન લાલુ પ્રસાદ યાદવે ગ્રુપ-ડીની નોકરી આપવા માટે જમીન લીધી હતી.

સીબીઆઈ પહેલાથી જ આ કેસમાં ત્રણ ચાર્જશીટ દાખલ કરી ચૂકી છે, જ્યારે ઈડી દ્વારા દાખલ કરાયેલી આ ચાર્જશીટ કેસને વધુ ગંભીર બનાવે છે.

The post લેન્ડ ફોર જોબ્સ કેસમાં લાલુ પરિવારની મુશ્કેલી વધી, કોર્ટ દ્વારા નવા આરોપીઓને સમન્સ જારી કર્યા appeared first on Gujarat Inside - Latest News Today.

આગસ્ટ 2025થી અત્યાર સુધી કુલ 808 પક્ષોની નોંધણી રદ કરવામાં આવી છે. પહેલો તબક્કો 9 ઓગસ્ટે પૂર્ણ થયો હતો, જ્યારે બીજો તબક્કો 18 સપ્ટેમ્બરે કરવામાં આવ્યો હતો.

ચૂંટણી પંચે જણાવ્યું કે ઘણા પક્ષો છેલ્લા છ વર્ષથી કોઈપણ ચૂંટણીમાં ભાગ લીધા વગર કર મુક્તિ અને અન્ય સરકારી છૂટછાટોનો લાભ લઈ રહ્યા હતા. આવા પક્ષો સામે આ પગલું લેવાયું છે.

રાજકીય પક્ષોની નોંધણી માટેની માર્ગદર્શિકાઓ મુજબ, જો કોઈ પક્ષ સતત છ વર્ષ સુધી કોઈપણ પ્રકારની ચૂંટણીમાં ભાગ લેતો નથી, તો ચૂંટણી પંચને તેની નોંધણી રદ કરવાનો અધિકાર છે.

આ કાર્યવાહીનો હેતુ રાજકીય વ્યવસ્થામાં પારદર્શિતા જાળવવાનો અને ખોટી રીતે છૂટછાટો મેળવતા પક્ષોને દૂર કરવાનો છે.

The post ચૂંટણી પંચની મોટી કાર્યવાહી : છેલ્લા 6 વર્ષથી ચૂંટણી ન લડનારા 474 રાજકીય પક્ષોની નોંધણી રદ, કુલ સંખ્યા 808 સુધી પહોંચી appeared first on Gujarat Inside - Latest News Today.

સૂત્રો મુજબ પૂર્વ ધારાસભ્ય અને સાંસદ પણ ચૂંટણીમાં ઉમેદવારી નોંધાવી શકે તેવી શક્યતાઓ છે. વડગામ બેઠક પર આંતરિક ખેંચતાણ સર્જાયું છે, જ્યારે દાંતીવાડા બેઠક પર દાવેદારોની સંખ્યા સતત વધી રહી છે.

ભાજપના મેન્ડેટ અંગે ચર્ચાઓ તેજ
ચૂંટણીમાં ભાજપ કોને ટેકો આપશે એ મુદ્દે અનેક ચર્ચાઓ જોર પકડી રહી છે. થરા માર્કેટ યાર્ડ અને બનાસ ડેરીના પૂર્વ ચેરમેન અણદા પટેલે શિહોરી મામલતદાર કચેરી ખાતે ઉમેદવારી ફોર્મ ભર્યું છે અને તેમને ભાજપનો ટેકો મળશે તેવી આશા વ્યક્ત કરી છે.

પાલનપુર બેઠક પરથી પૂર્વ કેન્દ્રીય મંત્રી હરિભાઈ ચૌધરી પણ મેદાનમાં ઉતરે તેવી શક્યતા છે. ચર્ચાઓ અનુસાર આ ચૂંટણીમાં ભાજપ સામે ભાજપની જ ટક્કર સર્જાઈ શકે છે, કારણ કે પાર્ટીના જ દિગ્ગજો એકબીજા સામે ચૂંટણી લડવા ઉતરી રહ્યાં છે.

ચૂંટણી પ્રક્રિયા અને મતગણતરીની તારીખો જાહેર
બનાસ ડેરીની ચૂંટણી અંગે જિલ્લા ચૂંટણી અધિકારી તથા જિલ્લા પુરવઠા અધિકારી બનાસકાંઠા, પાલનપુર દ્વારા જાહેરનામું પ્રસિદ્ધ કરવામાં આવ્યું છે. ઉમેદવારી પત્રો 22મી સપ્ટેમ્બરથી દરરોજ સવારે 11 વાગ્યાથી બપોરે 3 વાગ્યા સુધી સ્વીકારવામાં આવશે.

ઉમેદવારી પત્રોની ચકાસણી 23મી સપ્ટેમ્બરે થશે, ઉમેદવારોની યાદી 24મી સપ્ટેમ્બરે જાહેર થશે અને ઉમેદવારી પરત ખેંચવાની છેલ્લી તારીખ 29મી સપ્ટેમ્બર રહેશે. મતદાન 10મી ઓક્ટોબરે સવારે 9 થી સાંજે 5 વાગ્યા સુધી યોજાશે, જ્યારે મતગણતરી 11મી ઓક્ટોબરે કલેક્ટર કચેરીના સભાખંડમાં થશે.

The post બનાસ ડેરીની ચૂંટણીમાં વડગામ બેઠક પર ખેંચતાણ, દાંતીવાડામાં દાવેદારોની સંખ્યા વધી appeared first on Gujarat Inside - Latest News Today.