ટ્રમ્પે AI ઉદ્યોગમાં વ્યાપક રીતે થતા વિદેશી હાયરિંગની ટીકા કરતા જણાવ્યું કે, અમેરિકન નાગરિકોને અવગણવામાં આવી રહ્યા છે અને દેશની સ્વતંત્રતાનો ઉપયોગ કંપનીઓ તેમના નફા માટે કરી રહી છે. તેમણે ઉલ્લેખ કર્યો કે, કેટલીક કંપનીઓ ચીનમાં ફેક્ટરીઓ શરૂ કરે છે અને ભારતમાંથી મોટા પાયે સસ્તા મજૂરશક્તિની ભરતી કરે છે, જેનો સીધો અસર અમેરિકન નોકરીઓ પર પડે છે.

વિશ્વના ઘણા ઇન્ડિયન મૂળના નિષ્ણાતો આજે વૈશ્વિક ટેક કંપનીઓના સીઈઓ તરીકે સેવા આપી રહ્યા છે, જેમ કે ગુગલના સુંદર પિચાઈ, માઈક્રોસોફ્ટના સત્ય નડેલા, એડોબના શાંતનુ નારાયણ, અને વર્લ્ડ બેન્કના અજય બંગા. એટલું જ નહીં, YouTube અને Starbucks જેવા બ્રાન્ડ્સના ટોચના પદો પર પણ ભારતીયો સ્થાયી થયા છે.

ટ્રમ્પે “અમેરિકા ફર્સ્ટ” નીતિનું ફરીવાર પુનરોચ્ચાર કરતા કહ્યું કે, AI જેવા સેક્ટરમાં નવી ટેલેન્ટની જરૂરિયાત છે, પણ સાથે રાષ્ટ્રપ્રેમ પણ જરૂરી છે. તેમણે ટેક કંપનીઓને ચેતવ્યા કે તેઓ અમેરિકન કર્મચારીઓ પર વિશ્વાસ રાખે અને દેશની અંદર રહેનારી નૈતિક જવાબદારી નિભાવવી જોઈએ.

ટ્રમ્પનો ઈશારો ભારતીય IT કંપનીઓ તરફ પણ હતો, જેમ કે Infosys, TCS અને HCL, જે અમેરિકન ગ્રાહકો માટે ભારતમાં સેવા આપે છે અને મોટા પાયે પ્રોજેક્ટ ડેવલપ કરે છે. ટ્રમ્પની આ ટીકા વચ્ચે એક પ્રશ્ન ઉભો થાય છે કે ભવિષ્યમાં ભારતીય ટેક કર્મચારીઓ માટે શું પડકારો ઉભા થઈ શકે છે.

The post ટ્રમ્પે અમેરિકાની ટેક કંપનીઓને ચેતવણી આપી: ભારતમાંથી હાયરિંગ બંધ કરો, અમેરિકન ટેલેન્ટને પ્રાધાન્ય આપો appeared first on Gujarat Inside - Latest News Today.