ઇઝરાયલ સંરક્ષણ દળો (IDF) અને સુરક્ષા એજન્સી ISAએ નિવેદન બહાર પાડીને જણાવ્યું કે, આ કાર્યવાહી હમાસના વરિષ્ઠ નેતૃત્વ સામે કરવામાં આવી હતી, જે 7 ઓક્ટોબર, 2023ના ઇઝરાયલ પર થયેલા ક્રૂર હુમલાના સીધા જવાબદાર છે.

IDFએ વધુમાં જણાવ્યું કે નાગરિકોને નુકસાન ન થાય તે માટે ચોકસાઇવાળા શસ્ત્રો અને વધારાની ગુપ્તચર માહિતીનો ઉપયોગ કરવામાં આવ્યો હતો. ઇઝરાયલના વડાપ્રધાન બેન્જામિન નેતન્યાહૂએ પણ આ કાર્યવાહી સંપૂર્ણપણે સ્વતંત્ર ઇઝરાયલી અભિયાન હોવાનું સ્પષ્ટ કર્યું હતું.

મીડિયા અહેવાલો અનુસાર, હુમલો ત્યારે થયો હતો જ્યારે હમાસના વરિષ્ઠ નેતાઓ યુએસ દ્વારા પ્રસ્તાવિત યુદ્ધવિરામ અંગેની ચર્ચા કરી રહ્યા હતા. જોકે, IDFએ સ્પષ્ટ કર્યું કે આ સ્ટ્રાઇકમાં કોઈ વાટાઘાટકારને નુકસાન થયું નથી. આ સાથે જ ઇઝરાયલના વિદેશ પ્રધાન ગિડીઓન સારએ ગાઝા માટે યુએસ પ્રસ્તાવિત યુદ્ધવિરામ સ્વીકાર્ય હોવાનું જાહેર કર્યું હતું.

કતાર સરકારે આ હુમલાને “કાયરતાપૂર્ણ” ગણાવ્યો અને આંતરરાષ્ટ્રીય કાયદાનો ઉલ્લંઘન ગણાવીને તેની કડક નિંદા કરી છે. કતારના વિદેશ મંત્રાલયે જણાવ્યું કે સુરક્ષા દળો અને નાગરિક સંરક્ષણ તંત્ર તાત્કાલિક કાર્યવાહી કરી રહ્યા છે.

કતારે ચેતવણી આપી છે કે તે પોતાની સુરક્ષા અને પ્રાદેશિક સાર્વભૌમત્વ સામે કોઈપણ પ્રકારની ઇઝરાયલી કાર્યવાહી સહન નહીં કરે. બીજી તરફ, ઈરાને પણ આ હુમલાની તીવ્ર નિંદા કરી છે.

The post કતારમાં હમાસના વરિષ્ઠ નેતાઓ પર ઇઝરાયલનો એરસ્ટ્રાઇક, તણાવપૂર્ણ માહોલ appeared first on Gujarat Inside - Latest News Today.

સુરક્ષા સૂત્રોના જણાવ્યા મુજબ, બે પેલેસ્ટાઈની આતંકવાદીઓએ જેરુસલેમના રામોટ જંક્શન નજીક બસ સ્ટોપ પર નાગરિકો પર આડેધડ ગોળીબાર કર્યો હતો. હુમલાની ઘટનામાં લોકોમાં હાહાકાર મચી ગયો હતો અને સીસીટીવી ફૂટેજમાં લોકો નાસભાગ કરતાં અને રસ્તા પર પડતા જોવા મળ્યા હતા. અધિકારીઓએ જણાવ્યું કે, હુમલાખોરો રામલલ્લા વિસ્તારના ગામમાંથી આવ્યા હતા અને તેમની ઓળખ પુષ્ટિ થઈ ગઈ છે.

હમાસે આ હુમલાનું સમર્થન કર્યું છે, જોકે તેની જવાબદારી લીધી નથી. હમાસે આ હુમલાને “સ્વાભાવિક પ્રતિસાદ” ગણાવ્યો છે અને જણાવ્યું છે કે તે તેમના વિરુદ્ધ ચાલી રહેલા અભિયાનનો એક ભાગ હોઈ શકે છે. ગાઝા યુદ્ધ બાદ ઈઝરાયલ અને વેસ્ટ બેંકમાં હિંસા વધતી જ રહી છે. યુએનના આંકડા મુજબ, જુલાઈ 2025 સુધી પેલેસ્ટાઈની હુમલાઓમાં ઈઝરાયલ તથા વેસ્ટ બેંકમાં 49 લોકોના મોત થયા છે.

The post જેરુસલેમમાં આતંકવાદી હુમલો, 5નાં મોત અને 15થી વધુ ઈજાગ્રસ્ત appeared first on Gujarat Inside - Latest News Today.

અહેવાલો અનુસાર, ગાઝાના દક્ષિણ ભાગમાં ખોરાક મેળવવા રાહત વિતરણ કેન્દ્ર પર પહોંચેલા નાગરિકો પર પણ ગોળીબાર થયો, જેમાં ચાર લોકો માર્યા ગયા અને 27 ઈજાગ્રસ્ત થયા. ઈઝરાયલની સેનાનું કહેવું છે કે હમાસ અને તેના સંલગ્ન સંગઠનોના માળખાનો સંપૂર્ણ ખાતમો ન થાય ત્યાં સુધી ઓપરેશન ચાલુ રહેશે.

ઓક્ટોબર 2023થી ચાલતી કાર્યવાહી દરમ્યાન અત્યાર સુધી 62 હજારથી વધુ લોકોએ જીવ ગુમાવ્યો છે, જેમાં મહિલાઓ અને બાળકોની સંખ્યા નોંધપાત્ર છે. ખાદ્ય પુરવઠા પર પ્રતિબંધોને કારણે ગાઝામાં કુપોષણની સ્થિતિ ગંભીર બની છે. અત્યાર સુધી કુપોષણ અને ભૂખમરાને કારણે 317 લોકોના મોત થયા છે, જેમાં 121 બાળકોનો સમાવેશ થાય છે.

ઈઝરાયલે ગાઝા શહેરમાં મોટા પાયે ઓપરેશન શરૂ કર્યું છે. સેનાના ટેન્કો શહેરમાં પ્રવેશ્યા છે, ખાલી ઘરો તોડી પાડવામાં આવ્યા છે અને તોપમારો ચાલુ છે. ઘણી જગ્યાએ હમાસના લડાકુઓ અને ઈઝરાયલી સૈનિકો વચ્ચે યુદ્ધ થયું હતું. અહેવાલ મુજબ ઈઝરાયલના ગિવાટી બ્રિગેડે હમાસને ભારે નુકસાન પહોંચાડ્યું છે અને હથિયારના ડેપોનો નાશ કર્યો છે.

આગળ, ઈઝરાયલ દ્વારા ગાઝાની નાસર હોસ્પિટલ પર બે મિસાઈલ ઝિંકવામાં આવી હતી, જેમાં ચાર પત્રકાર સહિત 19 લોકોના મોત થયા હતા. આ મુદ્દે ઈઝરાયલની સેનાએ કે વડાપ્રધાન કાર્યાલયે હજુ સુધી કોઈ સત્તાવાર નિવેદન આપ્યું નથી.

The post ગાઝામાં હિંસક અથડામણ: ઈઝરાયલ-હમાસ યુદ્ધમાં 71 પેલેસ્ટિનિયનના મોત, ઓપરેશન તેજ appeared first on Gujarat Inside - Latest News Today.

તાજેતરમાં ટ્રમ્પે ઈઝરાયલ દ્વારા ગાઝામાં કરવામાં આવેલા હુમલાઓનો બચાવ કરતાં જણાવ્યું હતું કે 7 ઑક્ટોબર 2023ના રોજ ઈઝરાયલમાં થયેલા હમાસના આતંકી હુમલાએ ભયાનક પરિસ્થિતિ ઊભી કરી હતી, જેના જવાબમાં ઈઝરાયલે સૈન્ય કાર્યવાહી શરૂ કરી. હમાસના આ હુમલામાં લગભગ 1,200 લોકો મોતને ભેટ્યા હતા અને 251 લોકોને બંધક બનાવવામાં આવ્યા હતા. ત્યારબાદથી ઈઝરાયલ અને હમાસ વચ્ચેનું યુદ્ધ ચાલુ છે.

ગાઝામાં હાલની સ્થિતિ અત્યંત ગંભીર છે. ગાઝાના આરોગ્ય અધિકારીઓ અનુસાર, ઈઝરાયલના હુમલાઓમાં અત્યાર સુધી 62,000થી વધુ લોકોનાં મોત થયા છે અને આશરે દોઢ લાખ લોકો ઘાયલ થયા છે. સાથે જ ભૂખમરાનું સંકટ ઊભું થયું છે. ઈઝરાયલ સામે યુદ્ધ અપરાધો અને નરસંહારના આરોપો પણ આંતરરાષ્ટ્રીય અદાલતમાં ઉઠાવવામાં આવ્યા છે.

The post ગાઝા યુદ્ધ બાદની સ્થિતિ: ટ્રમ્પ કરશે મોટી બેઠક, માનવતાવાદી યોજના પર ચર્ચા appeared first on Gujarat Inside - Latest News Today.

આ હુમલામાં લગભગ 20,000 સૈનિકો સક્રિય રહ્યાં હતાં અને વધારાના 60,000 સૈનિકોને બોલાવવામાં આવ્યા છે. સેનાએ જણાવ્યું હતું કે આ ઓપરેશનમાં હમાસના ટોચના નેતાઓ સહિત 2,000 ત્રાસવાદીઓ માર્યા ગયા છે. માર્યા ગયેલા નેતાઓ ઇઝરાયલ ઉપર હુમલાનું આયોજન કરતા હતા. નાશ પામેલા મથકોમાં હમાસના મુખ્ય કેમ્પો, શસ્ત્ર ભંડાર અને ભૂગર્ભ ટનલ નેટવર્કનો સમાવેશ થાય છે.

ઇઝરાયલની સેનાએ મોરાગ અને માગન ઓઝ નામના બે નવા કોરિડોર બનાવ્યા છે. હમાસ ઉપર હવાઈ અને જમીન માર્ગે હુમલા ચાલુ છે. કેબિનેટે આ વ્યાપક આક્રમણને મંજૂરી આપી હતી અને તેને “ઓપરેશન ગીડીઓન” નામ આપવામાં આવ્યું છે. હાલ ગાઝાપટ્ટીમાં વિનાશનું ભયંકર દ્રશ્ય જોવા મળી રહ્યું છે.

The post ગાઝાપટ્ટીના 75% વિસ્તારમાં ઇઝરાયલનો કબજો, 10,000 હમાસ મથકોનો નાશ appeared first on Gujarat Inside - Latest News Today.