ઉપાસના ગિલ વૉલીબૉલ લીગ માટે નેપાળના પોખરા શહેરમાં હતી, પરંતુ અચાનક ફેલાયેલી હિંસામાં તે અને ટીમના સભ્યો ફસાઈ ગયા. વીડિયોમાં ઉપાસનાએ ભારતીય દૂતાવાસને સીધી અપીલ કરી હતી કે તેઓ તાત્કાલિક મદદ કરે.

ઉપાસનાએ પોતાના વીડિયોમાં જણાવ્યું હતું કે જે હોટલમાં તે રોકાઈ હતી તે ઉપદ્રવીઓએ સળગી દીધી હતી અને તેનો સામાન બળીને ખાખ થઈ ગયો હતો. તેણીએ જણાવ્યું કે તે સમયે તે સ્પામાં હતી અને મોટા પ્રયત્નો પછી પોતાની જાન બચાવી શકી.

વીડિયોએ સોશિયલ મીડિયા પર ભારે પ્રતિસાદ મેળવ્યો અને તરત જ દૂતાવાસ હરકતમાં આવ્યું. દૂતાવાસે ટીમ સાથે સંપર્ક સાધી તેમને કાઠમંડુના એક સુરક્ષિત સ્થળે ખસેડવામાં આવ્યા. સૂત્રોના જણાવ્યા અનુસાર, ટીમના મોટાભાગના સભ્યો ભારત પરત આવી ગયા છે અને બાકી ખેલાડીઓને પણ પરત લાવવા માટે વ્યવસ્થા ચાલી રહી છે.

નેપાળમાં હિંસક દેખાવો સોશિયલ મીડિયા પર પ્રતિબંધ બાદ શરૂ થયા હતા, જે ટૂંક સમયમાં ભ્રષ્ટાચાર અને નેપોટિઝમ સામેના વ્યાપક આંદોલનમાં ફેરવાઈ ગયા. પરિસ્થિતિ એટલી હદે વણસી કે વડાપ્રધાન કેપી શર્મા ઓલીએ રાજીનામું આપવું પડ્યું.

કાઠમંડુથી પોખરા સુધી હોટલો અને સરકારી ઇમારતોને આગચાંપી દેવામાં આવી, જેના કારણે સામાન્ય નાગરિકો અને પ્રવાસીઓ મુશ્કેલીમાં મુકાયા. સરકાર ઉથલાવ્યા બાદ પણ પરિસ્થિતિ હજુ તંગ છે અને હિંસક દેખાવો ચાલુ છે.

ભારતીય દૂતાવાસે અન્ય ફસાયેલા ભારતીયોને મદદ કરવા માટે હેલ્પલાઇન નંબરો જાહેર કર્યા છે અને કાઠમંડુમાં કંટ્રોલ રૂમ સતત સક્રિય છે. આ કામગીરી ફરી એકવાર સાબિત કરે છે કે વિદેશમાં ફસાયેલા ભારતીયોની સલામતી સરકાર માટે સૌથી મોટી પ્રાથમિકતા છે.

The post નેપાળમાં હિંસક આંદોલન વચ્ચે ભારતીય વૉલીબૉલ ટીમનો સફળ બચાવ, દૂતાવાસની ત્વરિત કાર્યવાહી appeared first on Gujarat Inside - Latest News Today.

બસ સેવા બંધ થવાથી અનેક નેપાળી નાગરિકો ભારતમાં ફસાયા છે અને ઘણા ભારતીયો હાલ નેપાળમાં અટવાઈ ગયા છે. ભારત સરકાર આવા ભારતીયોને સલામત રીતે બહાર કાઢવા પ્રયત્નો તેજ કરી રહી છે. સરહદે સુરક્ષા કડક કરવામાં આવી છે અને છુપાઈને થતી આવન-જાવન પર કડક નજર રાખવામાં આવી રહી છે.

નેપાળમાં હાલ તણાવપૂર્ણ સ્થિતિ છે. હિંસક ટોળાઓ દ્વારા સંસદ ભવન, રાષ્ટ્રપતિ ભવન, સુપ્રીમ કોર્ટ અને અનેક રાજકીય નેતાઓના ઘરોમાં આગચંપી કરવામાં આવી છે. દેશભરમાં લૂંટફાટ અને હિંસાની ઘટનાઓ સામે આવી રહી છે. નેપાળની સેના મંત્રીઓને હેલિકોપ્ટર દ્વારા સુરક્ષિત સ્થળે ખસેડી રહી છે.

આ આંદોલનને ‘Gen-Z રિવોલ્યુશન’ નામ આપવામાં આવ્યું છે, કારણ કે તેનો આગ્રહ યુવા અને વિદ્યાર્થીઓ કરી રહ્યા છે. સરકારે 26 સોશિયલ મીડિયા પ્લેટફોર્મ (જેમ કે ફેસબૂક, એક્સ, ઈન્સ્ટાગ્રામ, વ્હોટ્સએપ અને યુટ્યુબ) પર પ્રતિબંધ મૂક્યો હતો, જેને અભિવ્યક્તિ સ્વતંત્રતા પર હુમલો ગણાવીને યુવાનો રસ્તા પર ઉતર્યા હતા અને હિંસક પ્રદર્શન શરૂ થયા છે.

The post ભારતે નેપાળ સરહદ સીલ કરી, મૈત્રી બસ સેવા બંધ; ફસાયેલા ભારતીયોને બહાર કાઢવા તાકીદ appeared first on Gujarat Inside - Latest News Today.

પશ્ચિમ નેપાળમાં નૌબસ્તા રિજનલ જેલના સુધારણા ગૃહમાં સુરક્ષા દળો સાથે થયેલી અથડામણમાં પાંચ સગીર કેદીઓના મોત થયા અને ચાર ગંભીર રીતે ઘાયલ થયા. આ હિંસક પ્રદર્શનનો લાભ લઈ 13,000થી વધુ કેદીઓ વિવિધ જેલોમાંથી ફરાર થયા છે. નેપાળ પોલીસના તાજેતરના આંકડા અનુસાર, હિંસામાં અત્યાર સુધી 30 લોકોના મોત થયા છે.

અખબાર ધ રાઇઝિંગ નેપાળના અહેવાલ મુજબ, નૌબસ્તા જેલમાં સગીર કેદીઓએ હથિયાર છીનવી લેવાનો પ્રયાસ કર્યો, જેના જવાબમાં પોલીસ ગોળીબાર પર ઉતરી. આ ઘટનામાં કુલ 149 કેદીઓ અને 76 સગીર કેદીઓ ભાગી ગયા.

અન્ય વિવિધ જેલોમાં ફરાર થયેલા કેદીઓમાં દિલ્હીબજાર જેલમાંથી 1,100, ચિતવનથી 700, નક્કુમાંથી 1,200, ઝુમ્પકા 1,575, કંચનપુર 450, કૈલાલી 612, જલેશ્વર 576, કાસ્કી 773, ડાંગ 124, જુમ્લા 36, સોલુખુમ્બુ 86, ગૌર 260 અને બજંગ 65 કેદીઓ ફરાર થયા. સિંધુલીગઢી જેલમાંથી 471 કેદીઓ, જેમાં 43 મહિલાઓનો સમાવેશ થાય છે, ફરાર થયા છે.

નવલપરાસી પશ્ચિમ જિલ્લા જેલમાંથી 500થી વધુ કેદીઓ ફરાર થયા, કેટલાક કેદીઓએ જેલમાં આગ લગાવી અને મુખ્ય દરવાજો તોડીને ભાગી ગયા. કાઠમંડુની દિલ્હીબજાર જેલમાંથી એક કેદીને સ્થાનિક યુવાનોએ પકડીને નેપાળી સેનાને સોંપ્યો.

સપ્તરી અને પારસા જિલ્લાની જેલોમાં પણ કેદીઓએ આગ લગાવી ફરાર થયાં, જ્યારે જુમ્લા જિલ્લાની ચંદનનાથ નગરપાલિકાની જેલમાંથી 36 કેદીઓ ફરાર થયા.

સ્થાનિક વહીવટીતંત્ર અને નેપાળી સેના સમગ્ર દેશમાં સુરક્ષા વધારી છે અને ફરાર થયેલા કેદીઓની શોધખોળ ચાલી રહી છે. પોલીસ જણાવી રહી છે કે કેદીઓને ઝડપવા માટે તમામ પ્રયાસો કરવામાં આવી રહ્યા છે.

સામાન્ય લોકોમાં ભય વ્યાપી ગયો છે કારણ કે ગુનેગારો હવે ખુલ્લેઆમ ફરતા જોવા મળ્યા છે.

The post નેપાળમાં હિંસક Gen-Z આંદોલન વચ્ચે 13 હજારથી વધુ કેદીઓ ફરાર, 30નાં મોત appeared first on Gujarat Inside - Latest News Today.