વીજળીના કરંટ લાગતા 5 લોકોના મોતની પણ જાણ મળી છે. છેલ્લા છ કલાકમાં શહેરમાં 250 મીમીથી વધુ વરસાદ નોંધાયો છે, જેમાં ગારિયા કામદહારીમાં 332 મીમી, જોધપુર પાર્કમાં 285 મીમી, કાલીઘાટમાં 280 મીમી, ટોપસિયામાં 275 મીમી અને બાલીગંજમાં 264 મીમી વરસાદ પડ્યો છે.

હાવડા અને સિયાલદાહ યાર્ડ્સ, ચિતપુર નોર્થ કેબિન અને વિવિધ કાર શેડમાં પાણી ભરાઈ જતા રેલ્વે લાઈનો અને ટ્રેન સેવા પર અસર થઈ છે.

મંગળવારે કેટલીક ઉપનગરીય ટ્રેનોને અડચણોના કારણે અટકાવવામાં આવી હતી, જ્યારે 13113 યુપી હઝાર્દુઆરી એક્સપ્રેસ અને 13177 સિયાલદાહ-જંગીપુર એક્સપ્રેસ રદ કરવામાં આવી છે.

ભૂતપૂર્વ પાણી દૂર કરવા પંપ લગાવવામાં આવ્યા છે, પરંતુ ફરીથી પૂર આવવાને કારણે સમસ્યાઓ યથાવત્ છે. હવામાન વિભાગે જણાવ્યા છે કે ઉત્તરપૂર્વીય બંગાળની ખાડીમાં નીચા દબાણવાળા વિસ્તારમાંથી દક્ષિણ અને પશ્ચિમ બંગાળમાં ભારે વરસાદની આગાહી છે.

બુધવાર સુધી પૂર્વ મેદિનીપુર, પશ્ચિમ મેદિનીપુર, દક્ષિણ 24 પરગણા, ઝારગ્રામ અને બાંકુરા જિલ્લાઓમાં ભારેથી અતિ ભારે વરસાદ પડી શકે છે.

The post કોલકાતામાં ધોધમાર વરસાદથી જનજીવન અસ્તવ્યસ્ત, 5ના કરંટ લાગતા મોત, મેટ્રો અને ટ્રેન સેવા પર અસર appeared first on Gujarat Inside - Latest News Today.

ગ્રામ્ય વિસ્તારમાં નવરાત્રિના તહેવાર દરમિયાન 792 સ્થળોએ ગરબા યોજાશે. પોલીસ સતત પેટ્રોલિંગ અને સુરક્ષા માટે ગતિવિધિઓ શરૂ કરી રહી છે.

અમદાવાદ ગ્રામ્ય એસપી ઓમ પ્રકાશ જાટે જણાવ્યું હતું કે, નાગરિકો માટે સલામત નવરાત્રિ સુનિશ્ચિત કરવા માટે પોલીસ હેલ્પ ડેસ્ક અને શી ટીમ સાથે બંદોબસ્ત રાખશે. મહિલાઓની સુરક્ષાને પ્રથમ પ્રાથમિકતા આપી 112 ડાયલના દ્વારા તાત્કાલિક મદદ ઉપલબ્ધ રહેશે.

સોશિયલ મીડિયા પર ધાર્મિક ટીપ્પણીઓ પર પણ પોલીસ નજર રાખશે અને અસામાજિક પ્રવૃત્તિ સામે કાર્યવાહી કરવાની તૈયારી રહેશે.

આ દરમિયાન, 70 મોટા ગરબા સ્થળો પર આજે મોકડ્રીલ યોજાશે. ગ્રામ્ય વિસ્તારોમાં હોમગાર્ડ અને પોલીસ મિશ્ર બંદોબસ્તમાં 1,700 કર્મચારીઓ ખોટી કામગીરી અટકાવવા માટે તૈનાત રહેશે.

ચાર DySP, 20 PI અને 31 PSI સુપરવિઝન હેઠળ કામગીરી ચલાવશે. તમામ ગરબા સ્થળોએ ભીડ નિયંત્રણ માટે શી ટીમ, હેલ્પ ડેસ્ક અને પોલીસ અધિકારીના સંપર્ક નંબર સાથે બેનરો મૂકવામાં આવશે. 112 વાન પેટ્રોલિંગ દ્વારા સતત ગશ્ત રાખવામાં આવશે.

નવરાત્રિ તહેવાર દરમ્યાન પોલીસની આ વ્યવસ્થા લોકજાગૃતિ અને સુરક્ષા બંનેને સુનિશ્ચિત કરશે, અને તહેવારના આનંદને સમૃદ્ધ અને સલામત બનાવશે.

The post નવરાત્રિમાં 792 સ્થળે ગરબા યોજાશે, પોલીસ સજ્જ: સોશિયલ મીડિયામાં ધાર્મિક ટીપ્પણીઓ પર ખાસ નજર appeared first on Gujarat Inside - Latest News Today.

પોલીસે આ અભિયાન માત્ર એક જ રાતમાં પાર પાડીને મોટી સફળતા હાંસલ કરી છે. ઓપરેશન દરમિયાન કુલ 255 પોલીસકર્મીઓની 9 ટીમો અલગ-અલગ વિસ્તારોમાં દરોડા પાડતી રહી અને 62 ગુનાઓમાં સંડોવાયેલા આરોપીઓને પકડવામાં સફળ રહી.

ધરપકડ કરાયેલા આરોપીઓ સામે હત્યા કરવાનો પ્રયાસ, રાયોટિંગ, મારામારી અને અન્ય ગંભીર ગુનાઓ નોંધાયેલા છે. આ પગલાથી શહેરમાં ગુનાખોરી રોકવામાં મદદ મળશે અને કાયદો-વ્યવસ્થાની સ્થિતિ સુધરશે એવી અપેક્ષા છે.

ઝોન 7 પોલીસ વિસ્તારમાં લાંબા સમયથી ફરાર રહેલા આરોપીઓને પકડવા પોલીસ કમિશનરના માર્ગદર્શન હેઠળ આ ખાસ ઓપરેશનનું આયોજન કરવામાં આવ્યું હતું. ઓપરેશન દરમિયાન બનાવેલી 9 ટીમોએ ચોક્કસ માહિતીના આધારે દરોડા પાડી કાયદાને વધુ મજબૂત બનાવવાનો પ્રયાસ કર્યો.

પોલીસ અધિકારીઓના જણાવ્યા મુજબ, આ સફળતા ગુનેગારોને કડક સંદેશ આપશે કે તેઓ કાયદાની પહોચથી દૂર રહી શકતા નથી.

હવે આ આરોપીઓ સામે કાયદેસરની કાર્યવાહી કરવામાં આવશે અને તેમને જેલમાં મોકલવામાં આવશે, જેના કારણે નાગરિકોમાં સુરક્ષાની ભાવના પણ વધશે.

The post અમદાવાદપોલીસનું ઓપરેશન ક્લિન સ્વીપ: 74 ફરાર આરોપીઓ ઝડપી પાડવામાં આવ્યા appeared first on Gujarat Inside - Latest News Today.

સૌથી ચિંતાજનક વાત એ છે કે આ મૃત્યુ બાદ પણ સત્તા પક્ષ કે કોર્પોરેશનના ઉચ્ચ અધિકારીઓ દ્વારા કોઈ જવાબદારી નક્કી કરવામાં આવી નથી અને ન તો કોઈ કાર્યવાહી હાથ ધરાઈ છે. દર વર્ષે રૂ. 1000 કરોડથી વધુનો ખર્ચ શહેરના રસ્તાઓના રીસરફેસિંગ અને નવા રસ્તા બનાવવા પાછળ થાય છે છતાં શહેરના રસ્તાઓની હાલત ગામડાના રસ્તાઓ કરતાં પણ ખરાબ જોવા મળે છે. એક તરફ ઉબડખાબડ રસ્તાઓ વાહનચાલકોને જોખમમાં મૂકે છે, તો બીજી તરફ મોટાભાગના વિસ્તારોમાં સ્ટ્રીટ લાઈટો બંધ હોવાથી વાહન ચલાવવું દૂષ્કર બની રહ્યું છે.

કોર્પોરેશનના ઈતિહાસમાં કદાચ પહેલીવાર એવું બન્યું છે કે અધિકારીઓની બેદરકારીથી આટલા મોટા પાયે મોત થયા હોવા છતાં સત્તા પક્ષ તરફથી કોઈ જાહેર પ્રતિસાદ આવ્યો નથી. વિવિધ બનાવોની તપાસ માટે કોઈ સમિતિ રચાઈ નથી, કે જવાબદાર અધિકારીઓ સામે પગલાં લેવામાં આવ્યા નથી. શહેરના લગભગ 70 લાખ નાગરિકો માટે પરિસ્થિતિ એવી બની છે કે લોકો રોજિંદી મુસાફરી દરમિયાન પોતાનો જીવ ભગવાન ભરોસે રાખીને રસ્તાઓ પર ઉતરે છે.

મોતનાં મુખ્ય બનાવો

1. 16 જૂન 2025 – ઘી-કાંટા વિસ્તારમાં વરસાદ દરમિયાન દુધવાળી પોળ પાસે જશરાજ જગદીશ ગોહીલને ખુલ્લા વાયરથી કરંટ લાગતા મોત.
2. 19 જૂન 2025 – નિકોલની મધુમાલતી યોજના વિસ્તારમાં વરસાદી પાણી ભરાતા એમ્બ્યુલન્સ પહોંચી ન શકતાં જીતુભાઈને સાયકલ રેંડીની મદદથી હોસ્પિટલ લઈ જવાયા, જ્યાં સારવાર દરમિયાન મોત.
3. 30 જૂન 2025 – ઓઢવના ખારીકટ કેનાલ નજીક મનુભાઈ પંચાલ વરસાદી પાણીમાં વહેતા જતા મોત.
4. 23 જુલાઈ 2025 – ખોખરા સ્મશાનગૃહ પાસે નવીનીકરણ દરમિયાન પાણી ભરેલા ખાડામાં ઉતરતાં દીપક સેવતાનું મોત.
5. રાણીપ – બલોલનગર ખાતે સિમેન્ટ રોડ પર બાઈક પરથી પટકાતા એક વ્યકિતનું મોત.
6. જમાલપુર – ડોર-ટુ-ડોર કચરાની ગાડીએ એક વ્યકિતને 30 ફૂટ સુધી ઘસડતા મોત.
7. જશોદાનગર – ગેરકાયદે બાંધકામના ડિમોલિશન સમયે આત્મવિલોપન કરવાથી મહિલા મોતને ભેટી.
8. સરખેજ – શકરી તળાવમાં લીલ કાઢતી બોટ ડૂબતાં ત્રણ કિશોરનાં મોત.
9. મટનગલી, નારોલ – વરસાદી પાણીમાં મોપેડ ઉપર પસાર થતા દંપતીને કરંટ લાગતાં મોત.

આ તમામ બનાવો એ દર્શાવે છે કે કોર્પોરેશનની અસમંજસ નીતિઓ, સમયસરની જાળવણીનો અભાવ અને બેદરકારીના કારણે શહેરમાં લોકોના જીવ જોખમાય રહ્યા છે. હવે માત્ર પાંચ મહિના પછી આવનારી કોર્પોરેશનની સામાન્ય ચૂંટણીમાં આ મુદ્દો ચૂંટણી એજન્ડા બની શકે છે.

The post નિંદ્રાધીન જાડી ચામડીના અધિકારીઓ જાગો; 70 દિવસમાં 12 નિર્દોષોના જીવ ગયા appeared first on Gujarat Inside - Latest News Today.

સૌથી ગંભીર બાબત એ છે કે મૃત્યુ થાય ત્યારે મૃતદેહને અંતિમ સંસ્કાર માટે રેલવે પાટા ક્રોસ કરીને લઈ જવાની ફરજ પડે છે, જે શોકમગ્ન પરિવારો માટે અત્યંત કરુણ દૃશ્ય ઊભું કરે છે.

સ્થાનિકોના જણાવ્યા અનુસાર, આ રસ્તો બંધ હોવાને કારણે કોઈ વ્યક્તિ અચાનક બીમાર પડે અથવા ગર્ભવતી મહિલાને હોસ્પિટલમાં લઇ જવાની જરૂર પડે ત્યારે એમ્બ્યુલન્સ સમયસર પહોંચી શકતી નથી, મૃત્યુ પામેલા વ્યક્તિની શબવાહિની પણ પહોંચી શકતી નથી, જેના કારણે પરિવારજનોને કઠણ પરિસ્થિતિમાં પાટા અને રેલિંગ પાર કરી શબને સ્મશાન પહોંચાડવું પડે છે.

સ્થાનિકોનો આરોપ છે કે આ સમસ્યાને લઈને સ્થાનિક નેતાઓ, રેલવે વિભાગ અને પ્રશાસનને રજૂઆતો કરવામાં આવી છતાં કોઈ ઉકેલ નથી મળ્યો. તાજેતરમાં, વરસાદ દરમિયાન એક સ્થાનિક વ્યક્તિએ આ પરિસ્થિતિનો વીડિયો બનાવ્યો, જે સોશિયલ મીડિયા પર વાયરલ થયો અને તંત્રની આંખો ખોલવાનો પ્રયાસ કર્યો.

વીડિયોમાં સ્પષ્ટપણે દેખાય છે કે લોકો રોજિંદા જીવનમાં કેટલી મુશ્કેલી ભોગવી રહ્યા છે. સ્થાનિકો તાત્કાલિક અંડરપાસનું કામ પૂર્ણ કરીને રસ્તો ફરી શરૂ કરવાની માંગ કરી રહ્યા છે, જેથી જાહેર જનજીવનમાં ઉદ્ભવતી મુશ્કેલીઓ દૂર થઈ શકે.

The post ગોધરાના દશા ફાટક પાસે અધૂરા અંડરપાસથી લોકોને હાલાકી, મૃતદેહ અને એમ્બ્યુલન્સ પણ પહોંચી શકતી નથી appeared first on Gujarat Inside - Latest News Today.

બોલેરો રાયકેરા તરફથી આવી રહી હતી અને અચાનક ભીડમાં ઘૂસી જવાથી સંકટ સર્જાયો. ભીડમાં ફફડાટ મચી ગયો અને ગુસ્સે ભરાયેલા લોકો દ્વારા ડ્રાઈવર પર તાત્કાલિક કાર્યવાહી કરવામાં આવી, જ્યારે વાહનમાં બેઠેલા અન્ય લોકો સ્થળ પરથી ભાગી ગયા. ઘટનાની જાણ થતા જ બગીચાના એસડીઓપી દિલીપ કોસલ અને પોલીસની ટીમ તરત ઘટના સ્થળે પહોંચી, ઇજાગ્રસ્તોને નજીકની હોસ્પિટલમાં સારવાર માટે ખસેડ્યા. હાલ ઇજાગ્રસ્તોની સ્થિતિ ગંભીર જણાઈ રહી છે.

જશપુર કલેક્ટર રોહિત વ્યાસે મોડી રાત્રે બગીચા હોસ્પિટલ પહોંચી ઇજાગ્રસ્તો અને મૃતકોના પરિવારજનો સાથે મુલાકાત કરી અને શક્ય તેટલી સહાયની ખાતરી આપી. ગંભીર ઇજાગ્રસ્તોને સારવાર માટે અંબિકાપુર હોસ્પિટલમાં મોકલવામાં આવ્યા છે.

The post છત્તીસગઢમાં ગણેશ વિસર્જન વખતે ભીડ પર અડફેટે આવ્યો વાહન, 3ના મોત, 22 ઈજાગ્રસ્ત appeared first on Gujarat Inside - Latest News Today.

ત્રણ ન્યાયમૂર્તિઓની ખંડપીઠે દિલ્હી સરકારને આદેશ આપ્યો છે કે આગામી 8 અઠવાડિયામાં રસ્તાઓ પરથી રખડતાં કૂતરાંને દૂર કરવા માટે યોગ્ય પગલાં લેવાંમાં આવે. સુનાવણી દરમિયાન સોલિસિટર જનરલ તુષાર મહેતાએ સ્પષ્ટતા કરી હતી કે, “કોઈ પણ વ્યક્તિ પ્રાણીઓથી નફરત નથી કરતી, પરંતુ લોકોની સુરક્ષા પ્રથમ છે.”

તેમણે જણાવ્યું કે નસબંધીના પ્રયાસો છતાં કૂતરાંના હુમલાના બનાવો અટકતાં નથી. “અમે કૂતરાંઓને મારી નાખવાનું કહી રહ્યા નથી, માત્ર માનવ વસાહતથી દૂર રાખવાનું સૂચવી રહ્યા છીએ.” લોકો પોતાના બાળકોને બહાર મોકલવામાં ડરી રહ્યા છે, અને માત્ર કાયદાથી નહિ પરંતુ કોર્ટના સ્પષ્ટ માર્ગદર્શનથી જ ઉકેલ આવી શકે છે.

અંતે સુપ્રીમ કોર્ટે આ મુદ્દા પર ચુકાદો અનામત રાખતાં સ્પષ્ટ સંકેત આપ્યો છે કે હવે કાયદાની દિશામાં કડક પગલાં લેવામાં આવશે અને વિવાદથી વધુ મહત્વ ઉકેલ અપાશે.

The post “રખડતાં કૂતરાં સામે પગલાં જરૂરી છે, વિવાદ નહીં ઉકેલ જોઈએ છે”: સુપ્રીમ કોર્ટે ચુકાદો અનામત રાખ્યો appeared first on Gujarat Inside - Latest News Today.

આ સમયગાળામાં ડોગ બાઈટના 20,000 જેટલા કેસ નોંધાયા છે, જે સૂચવે છે કે શ્વાનનો ત્રાસ માત્ર શાંતિભંગ સુધી મર્યાદિત નથી રહ્યો, પણ તે આરોગ્ય માટે પણ ખતરો ઊભો કરી રહ્યો છે. પાલિકા અનુસાર, અમદાવાદના રસ્તાઓ પર લગભગ બે લાખ જેટલા રખડતા શ્વાન છે.

મ્યુનિસિપલ કોર્પોરેશનના ઢોર ત્રાસ અંકુશ વિભાગ દ્વારા જણાવવામાં આવ્યું કે છેલ્લા ચાર મહિનામાં 2,412 શ્વાનોનું ખસીકરણ (સ્ટેરીલાઈઝેશન) કરવામાં આવ્યું છે. તેમ છતાં ફરિયાદોની સંખ્યા વધી રહી છે, જે સ્પષ્ટ કરે છે કે તંત્રના પ્રયાસો પૂરતા સાબિત નથી થઈ રહ્યા. તંત્ર અનુસાર, છેલ્લા પાંચ વર્ષથી ખસીકરણ અને રસીકરણની ઝુંબેશ ચાલી રહી છે અને અત્યાર સુધીમાં લગભગ 90 ટકા શ્વાનોનું સ્ટેરીલાઈઝેશન થયું છે. તંત્ર માને છે કે અસ્તિત્વમાં રહેલા રસી કરાયેલા શ્વાનો હજુ 5-6 વર્ષ જેટલા જીવશે, તેથી હજુ પુરા પરિણામો જોવા માટે પાંચેક વર્ષ તો લાગશે.

તંત્રએ જાહેરમાં અપીલ કરીને લોકોને જણાવ્યું છે કે જો કોઈ શ્વાનના કાન કપાયેલા ન હોય અને એવું શ્વાન દેખાય તો તાત્કાલિક મ્યુનિસિપલ ટીમનો સંપર્ક કરવો. આમ, શહેરમાં શ્વાન ત્રાસને લઇને આગામી સમયમાં વધુ સુદ્રઢ કાર્યવાહી કરવામાં આવશે તેવી ધારણા છે.

The post અમદાવાદમાં રખડતા શ્વાનોનો ત્રાસ ચરમસીમાએ, ચાર મહિને 20,000 ડોગ બાઈટના કેસ સામે આવ્યા appeared first on Gujarat Inside - Latest News Today.