કોંગ્રેસ સાંસદ શશિ થરૂરે આ નિર્ણય અંગે પ્રતિક્રિયા આપતા જણાવ્યું હતું કે ટ્રમ્પનો આ નિર્ણય અમેરિકા માટે જ નુકસાનકારક સાબિત થઈ શકે છે.

તેમણે કહ્યું કે ટ્રમ્પ અને તેમના સમર્થકો એવું માને છે કે ભારતીયો જેવા વિદેશી કામદારો, જેઓ ઓછા પગારે કામ કરવા તૈયાર હોય છે, તેઓ અમેરિકન નાગરિકોની નોકરીઓ માટે ખતરો ઊભો કરે છે.

શશિ થરૂરે ન્યૂઝ એજન્સી સાથેની વાતચીતમાં જણાવ્યું હતું કે ટ્રમ્પ સરકારનો ધ્યેય એ છે કે ફક્ત શ્રેષ્ઠ અને સૌથી મૂલ્યવાન પ્રતિભાઓ જ અમેરિકામાં કામ કરી શકે. H-1B વિઝાની ફી $100,000 સુધી વધારવાથી ઓછી સેલેરી પર અમેરિકા સ્થળાંતર કરનારાઓની સંખ્યા ઘટશે.

તેમ છતાં, થરૂરે ચેતવણી આપી કે આ કારણે ઘણી અમેરિકન કંપનીઓ ભારત જેવા દેશોમાં નોકરીઓ આઉટસોર્સ કરવા માટે મજબૂર થઈ શકે છે, જે લાંબા ગાળે અમેરિકાની અર્થવ્યવસ્થા માટે નુકસાનકારક બની શકે છે.

થરૂરે વધુમાં જણાવ્યું હતું કે ભારત આ નિર્ણયનો પીડિત નથી, અને લાંબા ગાળે આ પગલું ભારત માટે ફાયદાકારક બની શકે છે. તેમણે કહ્યું કે હાલના સમયમાં ભલે આ એક મોટો આંચકો છે, પરંતુ સમય જતાં ભારત યોગ્ય જવાબી પગલાં લઈ શકશે.

ભારત-અમેરિકા સંબંધો પર બોલતાં ભૂતપૂર્વ વિદેશ રાજ્ય મંત્રીએ કહ્યું કે બંને દેશો વચ્ચે સંરક્ષણ, કૃત્રિમ બુદ્ધિ, માહિતી ટેકનોલોજી, અવકાશ અને અન્ય ક્ષેત્રોમાં સહયોગ ચાલુ રહેશે.

તેમણે યાદ અપાવ્યું કે અમેરિકામાં ભારતીય મૂળના લોકો મોટી સંખ્યામાં રહે છે, જેમાં વિદ્યાર્થીઓથી લઈને સિલિકોન વેલીના સીઈઓનો સમાવેશ થાય છે. થરૂરે વિશ્વાસ વ્યક્ત કર્યો કે બંને દેશોના લાંબા ગાળાના હિતો અંતે સંબંધોને ફરી મજબૂત બનાવશે.

The post H-1B વિઝા ફીમાં ટ્રમ્પનો વધારો અમેરિકા માટે નુકસાનકારક સાબિત થઈ શકે: શશિ થરૂર appeared first on Gujarat Inside - Latest News Today.

થરુરે મીડિયા સાથે વાત કરતાં કહ્યું કે, “જો તમે 30 દિવસ જેલમાં રહો, તો શું મંત્રી તરીકે રહી શકો? આ સામાન્ય સમજની વાત છે, મને આમાં ખોટું નથી લાગતું.” તેમણે વધુમાં જણાવ્યું કે આ બિલને સંસદની સંયુક્ત સમિતિને મોકલવામાં આવે તો તે લોકશાહી માટે સારું રહેશે, કેમ કે ચર્ચા જરૂરી છે.

કેન્દ્ર સરકાર આ બિલ બુધવારે સંસદમાં રજૂ કરશે, જેને 130મા બંધારણીય સુધારા બિલ 2025 નામ આપવામાં આવ્યું છે. બિલ મુજબ, કોઈ મંત્રી જો સતત 30 દિવસથી વધુ કસ્ટડીમાં રહે તો 31મા દિવસે રાજીનામું આપવું પડશે અથવા તેને પદ પરથી બરતરફ કરાશે.

વિરોધ પક્ષો આ બિલનો સખત વિરોધ કરી રહ્યા છે. કોંગ્રેસ નેતા પ્રિયંકા ગાંધી વાડ્રાએ આ બિલને બંધારણ વિરોધી ગણાવ્યું છે અને કહ્યું કે, “કોઈપણ મુખ્યમંત્રી વિરુદ્ધ કેસ દાખલ કરીને તેને 30 દિવસ જેલમાં રાખી શકાય, તો તે પદ ગુમાવશે? આ અસંવિધાનિક છે.”

શશી થરુર અગાઉ પણ કોંગ્રેસથી જુદા નિવેદનોથી ચર્ચામાં આવ્યા છે. 2021થી તેઓ પાર્ટી સાથે મતભેદ ધરાવે છે, ખાસ કરીને તે સમયે જ્યારે તેઓ જી-23 ગ્રુપમાં જોડાયા હતા અને ગાંધી પરિવારના નેતૃત્વ પર સવાલ ઉઠાવ્યા હતા. તાજેતરમાં, ઓપરેશન સિંદૂર અને અન્ય મુદ્દાઓને લઈને પણ તેમના અને કોંગ્રેસના સંબંધોમાં તણાવ જોવા મળ્યો છે.

The post શશી થરુરનો કોંગ્રેસથી જુદો મત: 30 દિવસ જેલમાં રહેનારા સીએમ-પીએમને હટાવવાનું બિલ સમર્થન appeared first on Gujarat Inside - Latest News Today.

કોંગ્રેસનો આક્ષેપ: “મોદી સરકાર મૌન કેમ?”

કોંગ્રેસે આ મુદ્દે વડા પ્રધાન નરેન્દ્ર મોદીને કટઘરામાં ઉભા કર્યા છે. પાર્ટીના પ્રવક્તાએ સોશિયલ મીડિયા પર પોસ્ટ કરીને જણાવ્યું, “મોદીજીના મિત્ર ટ્રમ્પે ભારત પર 50% ટેરિફ લાદ્યો છે અને પીએમ મોદી તરફથી કોઈ પ્રતિક્રિયા નહીં આવવી શરમજનક છે. ભારત વિરોધી આ નિર્ણય સામે સરકારે મૌન સેવી રાખ્યું છે.”

કોંગ્રેસના નેતાઓનો આક્ષેપ છે કે, ટ્રમ્પ સતત ભારત વિરુદ્ધ આક્રમક પગલાં લઈ રહ્યા છે, પરંતુ મોદી સરકાર તેની સામે મજબૂત જવાબ આપવા નિષ્ફળ સાબિત થઈ રહી છે.

શશિ થરૂરની ચિંતા: નિકાસ માટે મોટો પડકાર

કોંગ્રેસના વરિષ્ઠ નેતા શશિ થરૂરે પણ ટ્રમ્પના પગલાંને લઈને ચિંતા વ્યક્ત કરી છે. તેમણે કહ્યું, “ભારતીય ઉત્પાદકો માટે અમેરિકી બજારમાં સ્પર્ધા કરવી હવે મુશ્કેલ બનશે. વિયેતનામ, બાંગ્લાદેશ અને ફિલિપાઈન્સ જેવા દેશોના ઉત્પાદનોને વધુ તાકાત મળશે.”

થરૂરે આગાહી કરી કે, વધેલા ટેરિફને કારણે ભારતની નિકાસ અર્થવ્યવસ્થા પર ગંભીર અસર પડશે અને અમેરિકી બજારમાં ભારતીય માલ માટે માંગ ઘટી શકે છે.

ટેરિફ પાછળનું કારણ: રશિયન તેલ ખરીદી

અમેરિકાના આ વધારાના ટેરિફ પાછળનું મુખ્ય કારણ ભારત દ્વારા રશિયા પાસેથી મોટા પ્રમાણમાં ક્રૂડ ઓઇલની ખરીદી હોવાનું માનવામાં આવે છે. ટ્રમ્પે આરોપ લગાવ્યો છે કે ભારત રશિયાને આડકતરી સહાય કરી રહ્યું છે અને ઓછી કિંમતે તેલ ખરીદી વૈશ્વિક બજારમાં વેચી નફો કમાઈ રહ્યું છે.

ભારતે આ આક્ષેપોને નકારી કાઢ્યા છે અને કહ્યું છે કે તેની ઊર્જા નીતિ બજાર પરિબળો અને 1.4 અબજ લોકોની ઊર્જા સુરક્ષા સુનિશ્ચિત કરવા માટે આધારિત છે.

The post ‘નરેન્દ્ર મોદી – હિંમત કરો, ટ્રમ્પને જવાબ આપો…’ ટેરિફ મુદ્દે કોંગ્રેસનો મોદી સરકાર પર આક્રોશ appeared first on Gujarat Inside - Latest News Today.