અમદાવાદ: હવામાન વિભાગે ગુજરાતમાં આગામી ચાર દિવસ માટે ભારે વરસાદની આગાહી કરી છે અને વિવિધ જિલ્લામાં રેડ, ઓરેન્જ અને યલો એલર્ટ જાહેર કર્યા છે. 4 સપ્ટેમ્બરે દક્ષિણ ગુજરાતના ભરૂચ, નર્મદા અને છોટા ઉદેપુર જિલ્લામાં રેડ એલર્ટ આપાયો હતો. રાજ્યના 12 જિલ્લાઓમાં ઓરેન્જ એલર્ટ અને 10 જિલ્લામાં યલો એલર્ટ આપવાની સૂચના હતી.

5 સપ્ટેમ્બરે નવસારી, ડાંગ, વલસાડ, દમણ અને દાદરા-નગર હવેલીમાં રેડ એલર્ટ જાહેર કરાયું છે. સુરત, તાપી, નર્મદા, ભરૂચ, છોટા ઉદેપુર, ભાવનગર, અમરેલી અને બોટાદમાં ઓરેન્જ એલર્ટ અને 18 જિલ્લાઓમાં યલો એલર્ટ રહેશે.

6 સપ્ટેમ્બરે સુરેન્દ્રનગર, સાબરકાંઠા, અરવલ્લી અને મહીસાગરમાં રેડ એલર્ટ અને 9 જિલ્લાઓમાં ઓરેન્જ એલર્ટ, બાકીના 21 જિલ્લાઓમાં યલો એલર્ટ રહેશે.

7 સપ્ટેમ્બરે માત્ર કચ્છ જિલ્લામાં રેડ એલર્ટ અને 9 જિલ્લાઓમાં ઓરેન્જ એલર્ટ, 11 જિલ્લાઓમાં યલો એલર્ટ જાહેર કરવામાં આવ્યું છે.

8 સપ્ટેમ્બરે વરસાદની સ્થિતિ શાંત રહેશે, માત્ર કચ્છ, બનાસકાંઠા અને પાટણમાં યલો એલર્ટ જ રહેશે. હવામાન વિભાગે સૌને જરૂરી સાવચેતી રાખવા માટે આગાહી આપી છે અને પાણી ભરાવાના જોખમવાળા વિસ્તારોમાં સચેત રહેવાની સલાહ આપી છે.

ગુજરાતના મુખ્ય શહેરો અને ગ્રામ્ય વિસ્તારોમાં આગામી દિવસોમાં ભારે વરસાદની આગાહીને ધ્યાને લેતા વહીવટી તંત્ર અને સેવાસંસ્થાઓ દ્વારા રક્ષણાત્મક પગલાં લેવામાં આવ્યા છે.