ગાંધીનગર, ગુજરાત: રાજ્યમાં છેલ્લા બે-ત્રણ દિવસથી ભારે વરસાદી માહોલ છે, જેના પગલે 123 ડેમ હાઈ એલર્ટ પર છે. સ્ટેટ ઈમરજન્સી ઓપરેશન સેન્ટરના તાજા આંકડાઓ પ્રમાણે શનિવારે (6 સપ્ટેમ્બર) સાંજે પાંચ વાગ્યા સુધી સિઝનની સરેરાશ વરસી ચૂકેલ વરસાદ 98.85 ટકા છે. દક્ષિણ ગુજરાતમાં સૌથી વધુ 105 ટકા વરસાદ ખાબક્યો છે.

ગત 24 કલાકમાં રાજ્યના 198 તાલુકામાં વરસાદ નોંધાયો હતો. શનિવારે સવારના 6 વાગ્યાથી સાંજના 4 વાગ્યા સુધીમાં વલસાડના કપરાડામાં 6.61 ઇંચ અને બોટાદમાં 3.50 ઇંચ વરસાદ ખાબક્યો. આ કારણે સરદાર સરોવર નર્મદા ડેમ 92 ટકા ભરાઈ ગયો છે.

રાજ્યના કુલ 206 ડેમમાંથી 123 ડેમ હાઈ એલર્ટ, 21 ડેમ એલર્ટ અને 11 ડેમ અંગે વોર્નિંગ જાહેર કરવામાં આવી છે. તેમાં 88 ડેમ સંપૂર્ણ 100 ટકા ભરાઈ ચુક્યા છે, જે રાજ્યના નાગરિકો અને ખેડૂતોએ સાવચેતી રાખવાની જરૂર છે.