નવી દિલ્હી: ભારત અને અમેરિકા વચ્ચે ટેરિફ મુદ્દે ચાલી રહેલા તણાવ વચ્ચે અમેરિકાના પૂર્વ પ્રમુખ ડોનાલ્ડ ટ્રમ્પે વડાપ્રધાન નરેન્દ્ર મોદી વિશે સકારાત્મક નિવેદન આપ્યું. તેમના જવાબમાં મોદીએ સોશિયલ મીડિયા પ્લેટફોર્મ ‘X’ પર પોસ્ટ કરીને ટ્રમ્પનો આભાર માન્યો અને ભારત-અમેરિકા સંબંધોને મજબૂત ગણાવ્યા.

મોદીએ લખ્યું કે, “અમે દિલથી તમારો આભાર માનીએ છીએ. અમે પ્રમુખ ટ્રમ્પની ભાવનાઓ અને ભારત-અમેરિકા સંબંધોના સકારાત્મક મૂલ્યાંકનની પ્રશંસા કરીએ છીએ. બંને દેશો વચ્ચે એક સકારાત્મક, દૂરદર્શી અને વૈશ્વિક વ્યૂહાત્મક ભાગીદારી છે.”

ઉલ્લેખનીય છે કે, ટ્રમ્પે ઓવલ ઓફિસમાં આપેલા નિવેદનમાં જણાવ્યું હતું કે ભારત-અમેરિકા સંબંધો અત્યંત ખાસ છે. તેમણે કહ્યું હતું કે, “હાલના તણાવ છતાં મોદી અને હું હંમેશાં મિત્રો રહીશું. તે એક મહાન વડાપ્રધાન છે, પરંતુ હાલ તેઓ જે કરી રહ્યા છે તે મને નથી ગમતું. છતાં ભારત-અમેરિકા સંબંધો અંગે ચિંતાની કોઈ જરૂર નથી.”