નેપાળની રાજનીતિમાં તાજેતરમાં એક મહત્વપૂર્ણ વળાંક જોવા મળી રહ્યો છે. Gen-Z આંદોલનકારીઓ દ્વારા ઓનલાઈન બોલાવવામાં આવેલી બેઠકમાં 5000થી વધુ યુવાનોની હાજરી જોવા મળી હતી, જેમાં સૌથી વધુ સમર્થન પૂર્વ સુપ્રિમ કોર્ટે ચીફ જસ્ટિસ રહી ચુકેલી સુશીલા કાર્કીને મળ્યું છે. આ સમર્થનના કારણે શક્યતા છે કે તાત્કાલિક વડાંપ્રધાન પદનો સત્તાપદ સુશીલા કાર્કી સંભાળી શકે.

આંદોલનના પૂર્વ લીડર કાઠમંડુના મેયર બાલેન શાહે Gen-Z યુવાનોનો સંપર્ક ન લીધાનો દાવો કરવામાં આવ્યો છે. એક પ્રતિનિધિએ જણાવ્યું કે, “બાલેન શાહે અમારો ફોન ઉઠાવ્યો નથી અને તેમણે કોઈ જવાબ આપ્યો નથી. તેથી અમે બીજા નામની ચર્ચા શરૂ કરી, જેમાં સૌથી વધુ સમર્થન સુશીલા કાર્કીને મળ્યું.”

કાર્કીએ વડાંપ્રધાન પદ માટે ઓછામાં ઓછા 1000 લેખિત સમર્થન પત્રોની શરત મૂકી હતી, અને અત્યાર સુધી તેમને 2500થી વધુ સમર્થન પત્ર મળ્યા છે.

બેઠકમાં અન્ય નામો પર પણ ચર્ચા થઈ, જેમ કે કુલમાન ઘિસિંગ, સાગર ઢકાલ અને હર્કા સમ્પાંગ. રસપ્રદ બાબત એ રહી કે યુટ્યુબર Random Nepaliને પણ મત મળ્યા, પરંતુ તેમણે કહ્યું કે તેઓ જવાબદારી ત્યારે જ લેશે જ્યારે બીકાના તમામ નકારી દેવામાં આવશે.

જો સુશીલા કાર્કી આ પ્રસ્તાવ સ્વીકારશે, તો તેઓ પહેલા સેના પ્રમુખ જનરલ અશોક રાજ સિગ્દેલની મુલાકાત કરશે અને બાદમાં રાષ્ટ્રપતિ રામચંદ્ર પૌડેલની સત્તાવાર મંજૂરી લેવી પડશે.

Gen-Z યુવાનો ભવિષ્યના નેતૃત્વ માટે Discord એપ દ્વારા મતદાન કરી રહ્યા છે. મતદાન માટે હજુ 23 કલાક બાકી છે અને ત્યાં સુધી સુશીલા કાર્કીને સૌથી વધુ મત મળ્યા છે.

સુશીલા કાર્કી નેપાળના પ્રથમ મહિલા ચીફ જસ્ટિસ છે, જેમણે 2016માં પદ સંભાળ્યું હતું. તેઓ ભ્રષ્ટાચાર કેસોમાં પોતાની નડપ અને કડક વલણ માટે જાણીતી છે.

2006માં બંધારણીય સમિતિમાં સભ્ય રહી ચૂકેલી કાર્કીએ 2009માં સુપ્રિમ કોર્ટે એડ-હોક જજ પદ અને 2010માં કાયમી જજ તરીકે નિમણૂક મેળવી હતી. તેમનું આ પગલું નેપાળમાં મહિલાઓ માટે સમાનતા અને બંધારણિક અધિકારોની દિશામાં ઐતિહાસિક માનવામાં આવે છે.