ઉત્તર ગુજરાતના બનાસકાંઠા અને સાબરકાંઠા વિસ્તારોમાં ભારે વરસાદને કારણે જળબંબાકારની સ્થિતિ સર્જાઈ છે, જેના કારણે નદી-નાળા અને ડેમ છલકાયા છે. આ વચ્ચે સાબરકાંઠાના હિંમતનગરમાં મહેતા પુરા કોઝવે પરથી પસાર થતા એક મહિલા પાણીના પ્રવાહમાં તણાઈ જવાથી ફાયર વિભાગની ટીમને ઘટના સ્થળે પહોંચી રહેવુ પડ્યું.

મળતી માહિતી મુજબ, કોઝવે પરથી મહિલા, બાળક અને એક અન્ય વ્યક્તિ પસાર થઈ રહ્યા હતા ત્યારે નદીના પ્રવાહમાં મહિલા તણાઈ ગઈ. સમગ્ર ઘટના દરમિયાનનો વીડિયો સોશિયલ મીડિયા પર વાઈરલ થઈ રહ્યો છે, જેમાં દ્રશ્યો ચોંકાવનારા છે.

ઘટના અંગે ફાયર વિભાગના જવાનો દ્વારા શોધખોળ અને રેસ્ક્યૂ કામગીરી ચાલુ છે, અને મહિલાની સલામતી માટે તમામ પગલાં લેવામાં આવ્યા છે.