બોલિવૂડની પોપ્યુલર લૉ કૉમેડી ફિલ્મ ફ્રેન્ચાઇઝી ‘જોલી LLB 3’નું ટ્રેલર રિલીઝ થઈ ગયું છે. અક્ષય કુમાર અને અરશદ વારસી બંને ‘જોલી’ની ભૂમિકામાં જોવા મળ્યાં છે. અક્ષય કુમારે ટ્રેલર પોતાના ઇન્સ્ટાગ્રામ એકાઉન્ટ પર પોસ્ટ કર્યો, ત્યારબાદ ફેન્સમાં ફિલ્મ માટે ઉત્સુકતા વધી ગઈ છે.

ટ્રેલરમાં અક્ષય કુમાર કાનપુરના જોલી તરીકે દેખાય છે, જ્યારે અરશદ વારસીનું કૅરેક્ટર પોતાના કામ માટે ફી વસુલતા જોવા મળે છે. ટ્રેલરની શરૂઆતમાં ખેડૂતો અને પોલીસ વચ્ચેની અથડામણ દર્શાવવામાં આવી છે, જેમાં જમીન બળજબરીથી હડપવામાં આવતા ખેડૂતોની સમસ્યા દર્શાવવામાં આવી છે. જ્યારે બંને જોલીઓ એકબીજાના સામે આવે છે, ત્યારે કાનૂની જંગ શરૂ થાય છે.

ટ્રેલરમાં ચાહકો માટે એક મોટું સરપ્રાઇઝ પણ છે, અરશદ વારસી સાથે અમૃતા સિંહનું કમબેક. અક્ષય કુમારની પત્ની તરીકે ફિલ્મમાં હુમા કુરેશી પણ જોવા મળશે, જે પુનઃપુષ્પા પાંડે મિશ્રાનું પાત્ર ભજવે છે.

ફિલ્મ ‘જોલી LLB 3’ 19 સપ્ટેમ્બર, 2025ના રોજ સિનેમાઘરોમાં રિલીઝ થવાના છે. અગાઉ રિલીઝ થયેલી બે ફિલ્મો બોક્સ ઓફિસ પર સફળ રહી છે, જેથી ત્રીજા ભાગમાંથી પણ મોટી અપેક્ષા છે.