અલાસ્કામાં રશિયન રાષ્ટ્રપતિ વ્લાદિમીર પુતિન સાથે યોજાયેલી મહત્વપૂર્ણ બેઠક બાદ અમેરિકાના પ્રમુખ ડોનાલ્ડ ટ્રમ્પે યુક્રેનિયન પ્રમુખ વોલોદિમિર ઝેલેન્સ્કીને ફોન કરીને તાત્કાલિક અમેરિકા આવવા આમંત્રણ આપ્યું છે. શનિવારે પુતિન સાથે થયેલી શિખર મંત્રણા પછી ટ્રમ્પે ઝેલેન્સ્કીને બેઠકના મુદ્દાઓ વિશે જાણકારી આપી. સૂત્રોના જણાવ્યા અનુસાર, ઝેલેન્સ્કી 18 ઓગસ્ટે જ અમેરિકા પહોંચશે અને સોમવારે ટ્રમ્પને મળશે.

અહેવાલ મુજબ, ઝેલેન્સ્કીની અગાઉની અમેરિકન મુલાકાત વિવાદાસ્પદ રહી હતી કારણ કે તે બેઠક અધવચ્ચે જ છોડી ગયા હતા. હવે આ મુલાકાતનો એજન્ડા યુક્રેન-રશિયા યુદ્ધ, અમેરિકન સહયોગ અને રશિયા પર દબાણ લાવવાની વ્યૂહરચના હશે. ટ્રમ્પ-પુતિનની તાજેતરની બેઠકમાં કોઈ નક્કર સહમતિ જાહેર કરવામાં આવી ન હતી.

ઝેલેન્સ્કીએ પ્રતિસાદ આપતાં જણાવ્યું કે તેઓ યુદ્ધ સમાપ્ત કરવા માટે રચનાત્મક સહયોગ માટે તૈયાર છે અને તેમણે ટ્રમ્પના આમંત્રણને સ્વીકારીને વોશિંગ્ટનની મુલાકાતની પુષ્ટિ કરી છે.