નેશનલ ડેમોક્રેટિક એલાયન્સ (NDA)એ ભારતના આગામી ઉપરાષ્ટ્રપતિ પદ માટે પોતાના ઉમેદવાર તરીકે સી.પી. રાધાકૃષ્ણનના નામની જાહેરાત કરી છે. ભારતીય જનતા પાર્ટીના રાષ્ટ્રીય અધ્યક્ષ જે.પી. નડ્ડાએ આ જાહેરાત કરતા જણાવ્યું હતું કે, પક્ષના સંસદીય બોર્ડની બેઠકમાં આ નિર્ણય લેવામાં આવ્યો હતો. હાલમાં રાધાકૃષ્ણન મહારાષ્ટ્રના રાજ્યપાલ તરીકે સેવા આપી રહ્યા છે.

સી.પી. રાધાકૃષ્ણન પહેલા તમિલનાડુના કોઇમ્બતુરથી બે વાર લોકસભાના સાંસદ રહી ચૂક્યા છે. તેઓએ ઝારખંડ અને તેલંગાણાના રાજ્યપાલ તેમજ પુંડુચેરીના ઉપરાજ્યપાલ તરીકે પણ કામ કર્યું છે. તેમજ તેઓ તમિલનાડુ ભાજપના પ્રદેશ અધ્યક્ષ તરીકે પણ કાર્યરત રહ્યા હતા. NDA દ્વારા તેમને ઉમેદવાર બનાવવામાં આવવાનું દક્ષિણ ભારતને રાજકીય રીતે પ્રતિનિધિત્વ આપવા એક વ્યૂહાત્મક પગલું માનવામાં આવી રહ્યું છે. ભારતના ઉપરાષ્ટ્રપતિ પદ માટેની ચૂંટણી આવતીકાલે, 21 ઓગસ્ટે યોજાવાની છે.