ડેલ્ટા એરલાઇન્સની બોઈંગ 737-800 મોડેલની ફ્લાઇટમાં ખામી સર્જાઈ હતી, જેમાં 19મી ઓગસ્ટે વિમાન 12,000 ફૂટની ઊંચાઈએ હોવા દરમિયાન ડાબા પાંખનો એક ભાગ તૂટીને અલગ થઈ ગયો. ફ્લાઇટ નંબર-1893 ઓર્લાન્ડોથી ટેક્સાસના ઓસ્ટિન માટે જઇ રહી હતી અને તેમાં 62 મુસાફરો અને 6 ક્રૂ સભ્યો સવાર હતા. મુસાફરોએ પાંખ તૂટતા વિમાનમાં આંચકો અનુભવ્યો.

ડેલ્ટા એરલાઇન્સે જણાવ્યું કે લેન્ડિંગ બાદ ડાબા પાંખનો ભાગ હાજર ન હોવાનો ખુલ્યો. વિમાનને તાત્કાલિક સર્વિસમાંથી હટાવી દેવાયું છે. કંપનીએ કહ્યું કે તેમના લોકો અને મુસાફરોની સુરક્ષા માટે આની તપાસ કરવામાં આવી રહી છે અને યાત્રીઓને થયેલી અસુવિધા માટે ક્ષમા માગી છે.

સદનસીબે, પાયલોટે વિમાનને ઓસ્ટિન-બર્ગસ્ટ્રોમ ઇન્ટરનેશનલ એરપોર્ટ પર સુરક્ષિત રીતે ઉતારી દીધું, અને કોઈ જાનહાનિ કે ગંભીર નુકસાન થયું નથી. આ કારણે 20 ઓગસ્ટની બે ફ્લાઇટ્સ રદ કરવામાં આવી હતી. ફેડરલ એવિએશન એડમિનિસ્ટ્રેશન (FAA) દ્વારા ઘટનાની તપાસ ચાલી રહી છે, જે વિમાનની જાળવણી અને ટેકનિકલ સલામતી માટે મહત્વપૂર્ણ સૂચના આપે છે.