જમ્મુ અને કાશ્મીરના પૂંછ જિલ્લામાં એક દુર્ભાગ્યપૂર્ણ અકસ્માત સર્જાયો જેમાં એક સ્થાનિક યુવા ક્રિકેટરે પોતાનો જીવ ગુમાવ્યો. આ ઘટના ત્યારે બની જ્યારે શેરીમાં પાર્ક કરેલી કારનો દરવાજો અચાનક ખુલી ગયો અને પસાર થતો બાઈકચાલક ક્રિકેટર ફરીદ હુસૈન તે દરવાજા સાથે અથડાઈ ગયો. અથડામણ બાદ ફરીદનું સંતુલન બગડી ગયું અને તે રસ્તા પર જોરથી પડી ગયો.

ગંભીર ઈજાઓને કારણે તેને બચાવી શકાયો નહીં અને તેનું સ્થળ પર જ મોત થયું. આ સમગ્ર ઘટના નજીકમાં લગાવેલા સીસીટીવી કેમેરામાં કેદ થઈ હતી. સીસીટીવી ફૂટેજમાં સ્પષ્ટ દેખાય છે કે ટ્રાફિક ચાલતી શેરીમાં ફરીદ બાઈક પર જઈ રહ્યો હતો, ત્યારે પાર્ક કરેલી કારનો દરવાજો અચાનક ખુલી જાય છે, જેને કારણે આ દુર્ઘટના બની. ઘટનાને પગલે વિસ્તારના લોકોમાં શોકની લાગણી વ્યાપી છે.