ઓડિશાના કોરાપુટ જિલ્લાના દુદુમા ઝરણા પર એક 22 વર્ષના યુટ્યુબર સાગર રીલ બનાવવાના શોખમાં મોટો જોખમ ભોગવી બેઠા. ગંજામ જિલ્લાના બહેરામપુરનો રહેવાસી સાગર તેમના મિત્ર સાથે ઝરણામાં ડ્રોન કેમેરાથી સુંદર દ્રશ્યો કેદ કરી રહ્યાહતા . વીડિઓ શૂટ કરતી વખતે સાગર એક મોટા પથ્થર પર ઊભા રહ્યા, તે જ સમયે મચાકુંડા ડેમમાંથી અચાનક પાણી છોડાયુ, જે કારણે યુવાન ધસમસતા પ્રવાહમાં તણાઈ જ્તા ઘટ્ના બની.

વાયરલ વીડિયોમાં જોઈ શકાય છે કે, પાણીનો પ્રવાહ એટલો જોરદાર હતો કે સાગર પોતાને સંભાળી શક્યા નહિ. તેમના મિત્ર અને ત્યાં હાજર લોકો બચાવનો પ્રયત્ન કરતાં રહ્યા, પરંતુ પ્રવાહ એટલો ઝડપી હતો કે કોઇ તેની નજીક જઈ શક્યું નહિ. આ સમગ્ર ઘટના કેમેરામાં રેકોર્ડ થઈ ગઈ અને ત્યારબાદ @viprabuddhi X પરથી વાયરલ થઇ, જેમાં લોકો ભાત-ભાતની ટિપ્પણીઓ કરી રહ્યા છે.