પશ્ચિમ બંગાળમાં શિક્ષક અને કર્મચારીઓની ભરતીમાં થયેલી કથિત ગેરરીતિની તપાસ દરમિયાન એક ચોંકાવનારી ઘટના બની. ઈડી (Enforcement Directorate) એ સોમવારે તૃણમૂલ કોંગ્રેસ (TMC)ના ધારાસભ્ય જીવન કૃષ્ણ સાહાની ધરપકડ કરી લીધી.

સત્તાવાર સૂત્રો મુજબ, જ્યારે ઈડીના દરોડાની ખબર ધારાસભ્યને પડી ત્યારે તેમણે દીવાલ કૂદી નાસી જવાનો પ્રયાસ કર્યો. તેમણે ઘરની પાછળના નાળામાં પોતાનો મોબાઇલ ફોન ફેંકી દીધો હતો, પરંતુ અધિકારીઓએ એ ફોન રિકવર કરી લીધો.

સૂત્રો અનુસાર, ઘટનાના વીડિયો અને તસવીરોમાં ધારાસભ્ય ભાગતા જોવા મળે છે. સ્થળે ઈડી અને સીઆરપીએફના અધિકારીઓ પણ હાજર હતા, જ્યાં આસપાસ ઝાડીઓ, વૃક્ષો અને કચરો દેખાઈ રહ્યો હતો. ઈડીના દરોડા દરમિયાન સહકાર ન આપવાને કારણે ધારાસભ્ય ની ધરપકડ પીએમએલએ (Prevention of Money Laundering Act) હેઠળ કરવામાં આવી છે.