પૂર્વ ઉપરાષ્ટ્રપતિ જગદીપ ધનખડને હાલ સરકારી નિવાસસ્થાન મળ્યું નથી, જેમાં તેઓ ઉપરાષ્ટ્રપતિ તરીકે રહેતા હતા. નવા ઉપરાષ્ટ્રપતિની પસંદગી ટૂંક સમયમાં થવાના કારણે હાલના બંગલોને ખાલી કરવું પડશે અને નવા ઉપરાષ્ટ્રપતિને તે ફાળવવામાં આવશે. પૂર્વ ઉપરાષ્ટ્રપતિ તરીકે તેમને મળવાનું ટાઇપ 8 બંગલો હજુ તૈયાર નથી, તેથી તેમને થોડા મહિના અન્ય નિવાસસ્થાનમાં રહેવું પડશે.

અહેવાલો અનુસાર, જગદીપ ધનખડને એપીજે અબ્દુલ કલામ માર્ગ પર બંગલો નં.34 ફાળવવામાં આવશે. હાલ આ બંગલામાં એક કેન્દ્રીય મંત્રી રહે છે. મંત્રી ખાલી કર્યા બાદ બંગલોનું નવીનીકરણ થશે અને પૂર્વ ઉપરાષ્ટ્રપતિના પ્રોટોકોલ મુજબ તેમાં તમામ સુવિધાઓ સુનિશ્ચિત કરવામાં આવશે. આ પ્રક્રિયામાં ઓછામાં ઓછા 4 મહિના લાગી શકે છે.

પૂર્વ પીએમ, પૂર્વ રાષ્ટ્રપતિ અથવા પૂર્વ ઉપરાષ્ટ્રપતિને સામાન્ય રીતે બંગલો ઝડપથી ફાળવવામાં આવે છે, પરંતુ જગદીપ ધનખડના અચાનક રાજીનામાની કારણે હાલ એવી પરિસ્થિતિ સર્જાઇ છે. વર્તમાન સ્થિતિમાં તેમના સામે બે જ વિકલ્પ છે. પહેલો, કામચલાઉ નિવાસસ્થાનમાં રહેવું ત્યાં સુધી કે ટાઇપ 8 બંગલો તૈયાર થાય, અને બીજો, ખાનગી નિવાસસ્થાનની વ્યવસ્થા કરવી. ખાનગી નિવાસસ્થાનમાં સુરક્ષાની ચિંતા રહેશે, જ્યારે સરકારી બંગલોમાં પ્રોટોકોલ મુજબ સંપૂર્ણ સુરક્ષા અને સુવિધાઓ મળશે.

અત્યારે કહેવામાં આવી રહ્યું છે કે ટાઇપ 8 બંગલો તૈયાર થવામાં ઓછામાં ઓછા 3થી 4 મહિના લાગી શકે છે, અને ત્યાં પહોંચ્યા બાદ જ પૂર્વ ઉપરાષ્ટ્રપતિ જગદીપ ધનખડ ત્યાં નિવાસ કરી શકશે.