સુરત પાલિકા સંચાલિત BRTS બસમાં પાલિકાની કોઈપણ લેખિત મંજૂરી વિના ડીજે પાર્ટી યોજાતા વિવાદ ઉભો થયો છે. બસના 18 કિલોમીટરના રૂટ પર ડીજે પાર્ટીનો વીડિયો વાયરલ થયા બાદ આ મામલો સામે આવ્યો છે. ટ્રાન્સપોર્ટ કમિટીના અધ્યક્ષે દાવો કર્યો છે કે, મૌખિક પરવાનગી આપનાર કોન્ટ્રાક્ટ આધારિત આસિસ્ટન્ટ મેનેજર ચૈતલ પ્રજાપતિને તાત્કાલિક અસરથી ટર્મિનેટ કરવામાં આવે અને પાલિકા કર્મચારી તેમજ સીટીલિંકના જનરલ મેનેજર પ્રવિણ પ્રસાદ પાસેથી સ્પષ્ટ ખુલાસો મેળવી યોગ્ય કાર્યવાહી કરવામાં આવે.

સુરતમાં સામૂહિક પરિવહન સેવાના રૂપે પાલિકાએ સીટી અને BRTS બસ સેવા શરૂ કરી છે, જેમાં દરરોજ બે લાખથી વધુ મુસાફરો મુસાફરી કરે છે. થોડા દિવસ પહેલા સીટી બસને પ્રમોશન માટે શહેરની એક સંસ્થાએ ડીજે પાર્ટીનું આયોજન કર્યું હતું, જેના વીડિયો વાયરલ થયા બાદ ગહન વિરોધ અને ચર્ચા થઈ.

ટ્રાન્સપોર્ટ કમિટીના અધ્યક્ષ સોમનાથ મરાઠે અને સીટીલિંકના વડા કમિશનર ભૂગાયતા પણ આ પાર્ટીથી અજાણ હતા અને મંજુરી આપવામાં આવી ન હોવાની ખાતરી આપી હતી. જાણવા મળ્યું છે કે, ઓ.એન.જી.સી. વિસ્તારમાં દોડતી આ 18 કિલોમીટરની બસમાં ડીજે યોજવાની મૌખિક પરવાનગી સીટીલિંકના જનરલ મેનેજર પ્રવિણ પ્રસાદ અને આસિસ્ટન્ટ મેનેજર (ઓપરેશન) ચૈતલ પ્રજાપતિએ આપી હતી.

પાલિકા તત્કાલ અસરથી આસી. મેનેજર (ઓપરેશન) ચૈતલ પ્રજાપતિનું કરારીય કોન્ટ્રાક્ટ ટર્મિનેટ કરવા, અને જનરલ મેનેજર પ્રવિણ પ્રસાદ પાસેથી સ્પષ્ટ ખુલાસો મેળવી તે મુજબ જવાબદાર અધિકારીઓ સામે કાર્યવાહી કરવાની માંગણી કરી રહી છે.