ભારતમાં મહિલાઓની સુરક્ષાને લઈને કરવામાં આવેલા સર્વેક્ષણમાં કોહિમા, વિશાખાપટ્ટનમ અને ભુવનેશ્વરને સૌથી સુરક્ષિત શહેરો તરીકે નામ આપવામાં આવ્યું છે. ‘મહિલા સુરક્ષા સૂચકાંક (NARI) 2025’ અનુસાર રાંચી અને શ્રીનગરમાં મહિલાઓ માટે સુરક્ષા લક્ષ્ય નબળી હોવાનું નોંધાયું છે.

મેટ્રોપોલિટન શહેરોમાં, મુંબઈ ટોપ-7માં સામેલ છે, જ્યારે દિલ્હી અને કોલકાતા સૌથી ઓછા સ્કોર ધરાવે છે. પૂર્વોત્તરના શહેરો જેવી કે આઇઝોલ, ગંગટોક અને ઇટાનગર ઊંચી લિંગ સમાનતા અને સારી સુવિધાઓના કારણે મહિલાઓ માટે વધુ સુરક્ષિત ઠર્યાં છે. જ્યારે ફરીદાબાદ, પટણા અને જયપુર નબળા માળખાગત સુવિધાઓ અને જવાબદારીની ખામીના કારણે સૌથી ઓછા સુરક્ષિત શહેરોમાં શામેલ થયા છે.

આ સૂચકાંક તૈયાર કરવા માટે 12,770 મહિલાઓના મંતવ્યો અને અનુભવોનો સમાવેશ કરવામાં આવ્યો છે. પીવેલ્યુ એનાલિટિક્સ દ્વારા તૈયાર કરાયેલા ‘રાષ્ટ્રીય વાર્ષિક અહેવાલ અને મહિલા સુરક્ષા સૂચકાંક (NARI) 2025’ મુજબ, દેશના શહેરોને 65% રાષ્ટ્રીય સરેરાશ સ્કોરના આધારે પાંચ શ્રેણીઓમાં વર્ગીકૃત કરવામાં આવ્યા છે. સર્વે અનુસાર, શહેરોની અંદર લગભગ 60% મહિલાઓ સુરક્ષિત અનુભવે છે, જ્યારે 40% મહિલાઓને અસુરક્ષિત અનુભવ થાય છે. ખાસ કરીને રાત્રિના સમયે સુરક્ષાની ભાવનામાં નોંધપાત્ર ઘટાડો જોવા મળે છે.