પશ્ચિમ આફ્રિકા: પશ્ચિમ આફ્રિકાના દરિયાકાંઠે ઘટેલી ભયાનક દુર્ઘટનામાં ઓછામાં ઓછા 70 લોકોના મોત થયા છે, જ્યારે 16 મુસાફરોને બચાવી લેવામાં આવ્યા છે. ગામ્બિયાના વિદેશ મંત્રાલયે જણાવ્યું કે, આ બોટ સ્થળાંતર કરનારાઓને લઈ જઈ રહી હતી અને અંદાજિત 150 મુસાફરો તેમાં હાજર હતા. બાકીના લોકો માટે સંશોધન કાર્ય ચાલુ છે.

અહેવાલ અનુસાર, ગામ્બિયાથી રવાના થયેલી બોટ બુધવારે મૌરિટાનિયાના દરિયાકાંઠે પલટી ગઈ. પશ્ચિમ આફ્રિકાથી કેનેરી ટાપુઓ તરફનો એટલાન્ટિક પ્રવાસી માર્ગ વિશ્વના સૌથી જોખમી દરિયાઈ માર્ગોમાં ગણાય છે.

અવારનવાર અહીં બોટ દુર્ઘટનાઓ થતાં રહે છે, જેના કારણે મુસાફરો અને સ્થળાંતર કરનારાઓ માટે આ માર્ગ અત્યંત ખતરનાક માનવામાં આવે છે.

આ દુર્ઘટનાએ સમગ્ર વિસ્તારમાં આંચકો ફેલાવ્યો છે અને સ્થાનિક સરકાર તથા રાહત સંસ્થાઓ દ્વારા બચાવ કામગીરી જારી છે.