મહેસાણા જિલ્લામાં ભારતમાલા એક્સપ્રેસ હાઈવે પ્રોજેક્ટને લઈને ખેડૂતોમાં ભારે રોષ જોવા મળી રહ્યો છે. કેન્દ્ર સરકારના ડ્રીમ પ્રોજેક્ટ અંતર્ગત 156 ગામની જમીન સંપાદન પ્રક્રિયા ચાલી રહી છે, પરંતુ ખેડૂતોનો આક્ષેપ છે કે તેમને પૂરતું વળતર આપવામાં આવતું નથી. સુધારેલ જંત્રી દર પ્રમાણે વળતર ચુકવવા ખેડૂતોની મુખ્ય માંગ છે.

ખેડૂતોએ ચેતવણી આપી છે કે જો યોગ્ય વળતર નહીં મળે તો આગામી દિવસોમાં ઉગ્ર આંદોલન કરવામાં આવશે. બનાસકાંઠા જિલ્લામાં પણ કાંકરેજ, દિયોદર, લાખણી અને થરાદ તાલુકાના ખેડૂતો રોષે ભરાયા છે. તેમનો આરોપ છે કે ખેડૂતોને પ્રતિ ચોરસ મીટરે માત્ર ₹20 થી ₹22 જેટલું વળતર મળે છે, જ્યારે નજીકની NA કરેલી જમીનનો ભાવ ₹4000 થી ₹4500 સુધી પહોંચી ગયો છે. આ મુદ્દે ખેડૂતો અનેકવાર સ્થાનિક કક્ષાએ રજૂઆત કરી ચૂક્યા છે, છતાં ઉકેલ મળ્યો નથી.