અમેરિકાના પ્રમુખ ડોનાલ્ડ ટ્રમ્પે શુક્રવારે અમેરિકન કોર્ટને ચેતવણી આપી કે જો ટેરિફ મુદ્દે તેમના ઈકોનોમિક અધિકારોને નબળા પાડવામાં આવશે, તો તે દેશને 1929 જેવી ભયાનક મહામંદી તરફ દોરી શકે છે. ટ્રમ્પે જણાવ્યું કે ‘ઇન્ટરનેશનલ ઇમરજન્સી ઇકોનોમિક પાવર્સ એક્ટ’ (IEEPA) હેઠળ તેમણે વિદેશી વેપારમાં અમેરિકા હિતમાં કેટલાંય નિર્ણયો લીધા છે અને તેની અસર ખૂબ જ સકારાત્મક રહી છે.

ટ્રમ્પે Truth Social પર લખ્યું કે ટેરિફના કારણે શેરબજારમાં સતત નવી ઊંચાઈ જોવા મળી રહી છે અને ખજાનામાં પણ સદંતર અબજો ડોલર ઉમેરાઈ રહ્યા છે. તેમણે કોર્ટને ચેતવણી આપી કે જો IEEPAના ઉપયોગ અંગે કોઈ પ્રતિબંધ લગાવવામાં આવે, તો અર્થતંત્ર નાશ પામશે અને દેશ 1929 જેવી ગંભીર સ્થિતીમાં ફસાઈ જશે, જ્યાંથી બહાર નીકળવું મુશ્કેલ થશે.

IEEPA અમેરિકન રાષ્ટ્રપતિને આર્થિક વ્યવહારો પર વિશેષ અધિકાર આપે છે. ટ્રમ્પે આ કાયદાનો ઉપયોગ કરીને ભારત સહિત અનેક દેશો પર ટેરિફ લાદ્યો હતો. હાલ આ કાયદાની મર્યાદાઓ અંગે કાનૂની તપાસ ચાલી રહી છે. કેટલાંક નિષ્ણાતો માને છે કે ટ્રમ્પે આ કાયદાનો ઉપયોગ વેપાર નીતિ માટે કરીને તેના મૂળ હેતુને બગાડ્યો છે.

ટ્રમ્પના આ નિવેદન પાછળનું કારણ એ પણ છે કે તેમણે રાષ્ટ્રીય સુરક્ષાના હવાલાથી અનેકવાર વેપાર પ્રતિબંધો લાદ્યા છે. પરંતુ હવે કોર્ટ આ અધિકારોને ચુંપવી શકે છે, જેના કારણે ટ્રમ્પ ચિંતિત દેખાઈ રહ્યા છે.

1929માં આવેલી મહામંદી મોર્ડન ઇતિહાસની સૌથી ભારે આર્થિક મંદી હતી, જેમાં શેરબજાર ધરાશાયી થયો, બેંકો તૂટી પડી, કરોડો લોકો બેરોજગાર બન્યા અને વૈશ્વિક વેપાર ઘસડી ગયો. ટ્રમ્પે કોર્ટને ચેતવ્યું કે આવો જ સંકટ ફરી ઊભું થઈ શકે છે જો તે IEEPAના ઉપયોગને નાબૂદ કરશે.