વર્ષ 2025માં રિલીઝ થતી ફિલ્મો બોક્સ ઓફિસ પર કમાણીના નવા રેકોર્ડ બનાવી રહી છે. તાજેતરમાં રિલીઝ થયેલી બે સૌથી વધુ અપેક્ષિત ફિલ્મો ‘વોર 2’ અને ‘કૂલી’ વચ્ચે જબરદસ્ત ટક્કર જોવા મળી છે. બંને ફિલ્મો 14 ઑગસ્ટે રિલીઝ થઈ હતી અને રિલીઝના પહેલાજ દિવસે જ બોક્સ ઓફિસ પર ધમાકેદાર શરૂઆત કરી છે.

‘વોર 2’, જેમાં ઋતિક રોશન અને જુનિયર એનટીઆર મુખ્ય ભૂમિકામાં છે, તેણે પહેલો દિવસ 52.5 કરોડ રૂપિયાની કમાણી સાથે શરૂ કર્યો. બીજી તરફ, લોકેશ કનગરાજ દિગ્દર્શિત અને સુપરસ્ટાર રજનીકાંત અભિનીત ફિલ્મ ‘કૂલી’એ બોક્સ ઓફિસ પર તોફાની પ્રદર્શન કર્યું છે. રિપોર્ટ મુજબ, ‘કૂલી’એ પહેલાજ દિવસે 65 કરોડ રૂપિયાની કમાણી કરી, જે ‘વોર 2’થી 13 કરોડ રૂપિયા વધુ છે.

આગામી દિવસોમાં બંને ફિલ્મો માટે મોટી તક છે કારણ કે 15 ઑગસ્ટના સ્વતંત્રતા દિવસ સાથે લાંબો વીકએન્ડ છે. હવે જોવાનું રહેશે કે આ હાઈપડ ફિલ્મો બોક્સ ઓફિસ પર કેટલું મોટું બિઝનેસ કરી શકે છે.