રાજકોટની જાણીતી બી.એ. ડાંગર કોલેજ ફરી વિવાદના કેન્દ્રમાં આવી છે, જ્યાં હોમિયોપેથી અભ્યાસ કરતા ધર્મેશ કળસરિયા નામના વિદ્યાર્થીએ આપઘાત કર્યો છે. તેની નિધનકારી ઘટનાને લઈને કોલેજ સંચાલકો પર ત્રાસ આપવાના આક્ષેપ થયા છે. વિદ્યાર્થીના પરિવારજનો અને મિત્રોનું કહેવું છે કે ધર્મેશ પર કોલેજ સંચાલકો દ્વારા સતત માનસિક તણાવ અને દબાણ કરવામા આવતું હતું, જેના કારણે તેણે આ અંતિમ પગલું ભર્યું.

આ ઘટનાને પગલે કોલેજના વિદ્યાર્થીઓમાં ભારે રોષ જોવા મળ્યો છે અને પોલીસે વધુ તપાસ હાથ ધરી છે. આ ઘટનાને ધ્યાનમાં લઈને લોકો દ્વારા કોલેજ સંચાલકો સામે કડક કાર્યવાહી કરવાની માંગ પણ ઊઠાવી રહ્યા છે. ઉલ્લેખનીય છે કે, બી.એ. ડાંગર કોલેજ અગાઉ પણ અનેક વિવાદોમાં ફસાઈ ચુકી છે. પોલીસ સમગ્ર મામલે ઊંડાણપૂર્વક તપાસ કરે અને જવાબદાર સામે યોગ્ય કાર્યવાહી થાય તેવી અપેક્ષા છે.