મહીસાગર જિલ્લાના કડાણા ડેમમાં ઉપરવાસમાં પડેલા અતિ ભારે વરસાદને કારણે પાણીની આવક સતત વધી રહી છે. રૂલ લેવલ જાળવવા માટે ડેમના 6 ગેટ 4 ફૂટ સુધી ખોલીને મહી નદીમાં 39,600 ક્યૂસેક પાણી છોડવામાં આવ્યું છે. સાથે જ પાવર હાઉસ મારફતે 20,400 ક્યૂસેક પાણી છોડતા કુલ 60,000 ક્યૂસેક પાણી મહી નદીમાં મુકવામાં આવ્યું છે.

હાલ મહી નદી બંને કાંઠે વહે રહી હોવાથી નદી કાંઠાના ગામોને એલર્ટ જાહેર કરાયો છે અને લોકોને નદીના કિનારે ન જવા સૂચના આપવામાં આવી છે. ઉપરાંત ડૂબક પુલ પર પોલીસ બંદોબસ્ત પણ ગોઠવવામાં આવ્યો છે. પાણી છોડવાની પ્રક્રિયા દરમ્યાન વીજળીનું પણ ઉત્પાદન થઈ રહ્યું છે.