‘ખોટા કારણોસર ટીમમાં છે ધોની’, એબી ડી વિલિયર્સના નિવેદને ક્રિકેટ જગતમાં ખળભળાટ મચાવ્યો

AB de Villiers On MS Dhoni: હાલમાં એમએસ ધોનીની ઉંમર 44 વર્ષ છે અને તે IPLમાં ચેન્નાઈ સુપર કિંગ્સ માટે રમે છે. છેલ્લા કેટલાક આઈપીએલ IPL એડિશનમાં ધોનીની ભૂમિકા મર્યાદિત રહી છે. જ્યાં તે વિકેટકીપિંગની જવાબદારી ખૂબ સારી રીતે નિભાવી રહ્યો છે, પરંતુ તેનો બેટિંગ રોલ ખૂબ ઓછો થઈ ગયો છે. 

તે બેટિંગ કરવા માટે પણ નીચલા ક્રમમાં ઉતરે છે, જ્યાં તેને માત્ર એક કે બે ઓવર જ રમવા મળે છે. હવે IPLની 19મી સીઝનમાં પણ ધોનીને CSK માટે રમતો જોવા માટે ચાહકો આતુર છે. આ વચ્ચે દક્ષિણ આફ્રિકાના દિગ્ગજ એબી ડી વિલિયર્સ જેણે લાંબા સમય સુધી RCB માટે IPL રમી છે તેણે ધોનીના નીચલા ક્રમમાં બેટિંગ કરવા પર સવાલ ઉઠાવતા એવું નિવેદન આપ્યું છે જેણે ક્રિકેટ જગતમાં ખળભળાટ મચાવી દીધો છે.

એબી ડી વિલિયર્સ ધોનીના રમવા પર ઉઠાવ્યા સવાલ

એબી ડી વિલિયર્સે કહ્યું કે, મને એમએસ ધોની માટે 8 કે 9 નંબર પર બેટિંગ કરવી અને ખરેખર પર્યાપ્ત પ્રદર્શન ન કરવાની કોઈ ભૂમિકા નથી દેખાતી. જો તે 8 કે 9 નંબર પર બેટિંગ કરવા જઈ રહ્યો છે અને ખરેખર કેપ્ટનશીપ નહીં કરશે, તો મને લાગે છે કે તે લગભગ એક સ્થાન બનાવી રહ્યો છે અને લગભગ ખોટા કારણોસર ટીમમાં છે. અને તે એવી સ્થિતિ નથી જેના માટે તે હકદાર છે. તેણે ખુદ નંબર 6 પર બેટિંગ કરવી પડશે. હું ક્યારેક-ક્યારેક તેને નંબર 5 કે 4 પર બેટિંગ કરતો જોવા માગીશ. 

આ પણ વાંચો: IPLથી નિવૃત્તિ બાદ ટીમ ઈન્ડિયાનો હેડ કોચ બનશે ધોની? ગૌતમ ગંભીરે વ્યક્ત કરી ઈચ્છા

ધોનીની આ છેલ્લી સીઝન હોઈ શકે છે

ધોનીના પૂર્વ ભારતીય અને CSK ટીમના સાથી રોબિન ઉથપ્પાનું માનવું છે કે આ ધોનીની છેલ્લી સીઝન હોઈ શકે છે. બીજી તરફ ભારતના પૂર્વ ઓલરાઉન્ડર ખેલાડી ઈરફાન પઠાણનું માનવું છે કે ચેન્નાઈ સુપર કિંગ્સ (સીએસકે)માં આગામી પેઢીના ખેલાડીઓ પાસે અનુભવી વિકેટકીપર-બેટ્સમેનના અનુભવને જોઈને અને તેમાંથી શીખીને આગળ વધવાની સુવર્ણ તક છે.