મુંબઈ અને દિલ્હી વચ્ચેની મેચમાં વરસાદ બનશે વિલન? હવામાન વિભાગે કરી આગાહી, શું વરસાદના કારણે મુકાબલો રદ થશે?

Image Source: Twitter

DC vs MI, Delhi Weather: દિલ્હી કેપિટલ્સ અને મુંબઈ ઈન્ડિયન્સ વચ્ચે IPL 2026ની 8મી મેચ આજે 4 એપ્રિલના રોજ દિલ્હીના અરુણ જેટલી સ્ટેડિયમમાં રમાશે. આ મેચ ભારતીય સમય પ્રમાણે બપોરે 3:30 વાગ્યે શરૂ થશે અને ટોસ બપોરે 3:00 વાગ્યે થશે. દિલ્હીમાં ખરાબ હવામાનને કારણે ચાહકો એ જાણવા માટે ઉત્સુક છે કે શું આજની IPL મેચમાં વરસાદ વિલન તો નહીં બને ને અને દિલ્હી vs મુંબઈ મેચ વરસાદને કારણે રદ તો નહીં થઈ જશે ને. તો ચાલો આપણે જાણીએ કે હવામન વિભાગની શું આગાહી છે. 

આજે દિલ્હીનું હવામાન કેવું રહેશે?

હાલમાં દિલ્હીમાં વાદળછાયું વાતાવરણ છે. બપોરે 3:00 વાગ્યા સુધી વરસાદની કોઈ આગાહી નથી. આ સમય દરમિયાન દિલ્હી કેપિટલ્સ vs મુંબઈ ઈન્ડિયન્સ મેચનો ટોસ થશે. જોકે, જેમ-જેમ રમત આગળ વધશે તેમ-તેમ વરસાદની શક્યતા પણ વધશે. પહેલી ઈનિંગમાં તો નહીં, પરંતુ બીજી ઈનિંગમાં વરસાદ ચોક્કસપણે વિલન બની શકે છે. 

શું વરસાદના કારણે DC vs MI મેચ રદ થઈ શકે છે?

હવામાન અહેવાલો પ્રમાણે વરસાદના કારણે DC vs MI મેચ રદ થવાની કોઈ શક્યતા નથી. રાજસ્થાનમાં બપોરે ગાજ-વીજ સાથે વરસાદ શરૂ થશે અને સાંજ સુધીમાં દિલ્હી તરફ આગળ વધશે. આજે સાંજે 5:00 થી 9:00 વાગ્યા વચ્ચે અરુણ જેટલી સ્ટેડિયમ સહિત દિલ્હી-એનસીઆરના કેટલાક ભાગોમાં હળવાથી ભારે વરસાદની સંભાવના છે. સમજી લો કે, ગઈકાલની જેમ થોડા સમય માટે વરસાદ પડી શકે છે. આનો અર્થ એ છે કે આજની મેચની બીજી ઈનિંગ દરમિયાન વરસાદના કારણે થોડો વિક્ષેપ/વિલંબ થઈ શકે છે. પરંતુ વર્તમાન વિશ્લેષણના આધારે   મેચ ધોવાઈ જવાની કોઈ શક્યતા નથી. 

DC vs MI સ્કવૉડ

દિલ્હી કેપિટલ્સ સ્કવૉડ: KL રાહુલ (વિકેટ કીપર), પથુમ નિસાંકા, નીતીશ રાણા, સમીર રિઝવી, અક્ષર પટેલ (કેપ્ટન), ટ્રિસ્ટન સ્ટબ્સ, ડેવિડ મિલર, વિપરાજ નિગમ, લુંગી એનગિડી, કુલદીપ યાદવ, ટી નટરાજન, મુકેશ કુમાર, આશુતોષ શર્મા, આકિબ નબી દાર, દુષ્મંથા ચમીરા, કરુણ નાયર, મિશેલ સ્ટાર્ક, કાયલ જેમિસન, અજય જાદવ મંડલ, પૃથ્વી શૉ, ત્રિપુરાના વિજય, અભિષેક પોરેલ, સાહિલ પારખ, માધવ તિવારી. 

આ પણ વાંચો: એપ્રિલમાં આભ ફાટ્યું! 11 રાજ્યોમાં વરસાદનું એલર્ટ, રાજસ્થાનમાં કરા પડ્યા; યુપીમાં 5ના મોત

મુંબઈ ઈન્ડિયન્સ સ્કવૉડ: રેયાન રિકલ્ટન (વિકેટ કીપર), રોહિત શર્મા, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, શેરફેન રધરફોર્ડ, શાર્દુલ ઠાકુર, મયંક માર્કંડે, એએમ ગઝનફર, ટ્રેન્ટ બોલ્ટ, જસપ્રીત બુમરાહ, કોર્બિન બોશ, રોબિન મિન્ઝ, રાજ બાવા, અશ્વિની કુમાર, દીપક ચાહર, ક્વિન્ટન ડી કૉક, મિશેલ સેન્ટનર, વિલ જેક્સ, મયંક રાવત, રઘુ શર્મા, અથર્વ અંકોલેકર, ડેનિશ માલેવાર, મોહમ્મદ સલાહુદ્દીન ઈઝહર.